മണപ്പുറം ഫിനാൻസ് 221.39 കോടി രൂപ അറ്റാദായം നേടി.
കൊച്ചി: സെപ്റ്റംബർ 30ന് അവസാനിച്ച ത്രൈമാസത്തിൽ മണപ്പുറം ഫിനാൻസ് 221.39 കോടി രൂപ അറ്റാദായം നേടി. മുൻ വർഷം ഇതേ കാലയളവിൽ കൈവരിച്ച 158.20 കോടിയേക്കാൾ 40 ശതമാനം വർധന. സബ്സിഡിയറീസ് ഒഴികെയുള്ള കന്പനിയുടെ അറ്റാദായം 192.75 കോടിയാണ്. കന്പനിയുടെ മൊത്തം വരുമാനം 1014.44 കോടി രൂപയായി വർധിച്ചു. മുൻവർഷം ഇതേ കാലയളവിൽ കൈവരിച്ച 830.62 കോടിയേക്കാൾ 22.13 ശതമാനം വർധന കന്പനി നേടി. മണപ്പുറം ഗ്രൂപ്പിന്‍റെ ആകെ ആസ്തിയിൽ 25.27 ശതമാനത്തിന്‍റെ കുതിപ്പും രേഖപ്പെടുത്തി. കഴിഞ്ഞ സാന്പത്തികവർഷത്തെ ആദ്യ ക്വാർട്ടറിൽ ആകെ ആസ്തി 13723.20 കോടിയായിരുന്നെങ്കിൽ ഈ വർഷമിത് 17190.70 കോടി രൂപയായി ഉയർന്നു