സ്വര്‍ണ്ണവില കുതിക്കുന്നു; ചരിത്രത്തിലാദ്യമായി പവന് 26000 രൂപ കടന്നു

ആഭ്യന്തരവിപണിയില്‍ ചരിത്രത്തിലാദ്യമായി പവന് വില 26000 രൂപ കടന്നു 200 രൂപ വര്‍ധിച്ച്‌ 26,120 എന്ന റെക്കോര്‍ഡ് വിലയിലാണ് വ്യാഴാഴ്ച്ച വ്യാപാരം നടക്കുന്നത്. ഗ്രാമിന് 25 രൂപ വര്‍ധിച്ച്‌ 3,265 രൂപയായി. രണ്ടു ദിവസത്തിനിടെ 400 രൂപയാണ് പവന് വര്‍ധിച്ചത്. ജൂലൈയില്‍ മാത്രം പവന് 1,200 രൂപ കൂടി. കേന്ദ്ര സര്‍ക്കാര്‍ സ്വര്‍ണത്തിന് രണ്ടര ശതമാനം ഇറക്കുമതി ചുങ്കം കൂട്ടിയതാണ് സ്വര്‍ണ്ണവില കുതിക്കാന്‍ കാരണമായത്.