ഇനി ആകാശത്തിലൂടെ ബൈക്കില്‍ ചെത്താം, പറക്കും ബൈക്കുകള്‍ വിപണിയിലെത്തിക്കാന്‍ ജാപ്പനിസ് കമ്പനി
റോഡുകള്‍ക്കുള്ള ഇടം കുറഞ്ഞതോടെ ഇനിയുള്ള കാലത്തെ യാത്രകള്‍ ആകാശത്തുകൂടിയുള്ളതാകും. ഈ സാധ്യത മുന്നില്‍ കണ്ട് പറക്കും ബൈക്കുകളെ വ്യാവസാ‍യിക അടിസ്ഥാനത്തില്‍ വിപണിയില്‍ എത്തിക്കാന്‍ തയ്യാറെടുക്കുകയാണ് എ എല്‍ ഐ ടെക്നോളജീസ് ഇന്‍കോര്‍പറേറ്റഡ് എന്ന ജാമ്പനീസ് കമ്പനി.
ചെറു ഡ്രോണുകള്‍ നിര്‍മ്മിക്കുന്ന കമ്പനിയാണ് എ എല്‍ ഐ ടെക്നോളജീസ്. 2022ഓടുകൂടി പറക്കും ബൈക്കുകളെ വിപണിയില്‍ എത്തിക്കാനാണ് കമ്പനി ലക്ഷ്യമിടുന്നത്. ഇതുമയി ബന്ധപ്പെട്ട നടപടികള്‍ക്ക് കമ്പനി തുടക്കം കുറിച്ചുകഴിഞ്ഞു. റോഡ് ഗതാഗതത്തിന് സാധ്യത കുറവുള്ള ഇടങ്ങളില്‍ പറക്കും ബൈക്കുകള്‍ വലിയ വിപണി കണ്ടെത്താന്‍ സാധിക്കും എന്നാണ് കമ്പനി കണക്കുകൂട്ടുന്നത്.
നേരത്തെ ദുബായ് പൊലീസ് പറക്കും ബൈകുകള്‍ സേനയുടെ ഭാഗമാക്കിയത് വലിയ വാര്‍ത്തയായിരുന്നു. റഷ്യന്‍ കമ്പനിയായ ഹോവര്‍സര്‍ഫാണ് ദുബായ് പൊലീസിനായി ഹോവര്‍ ബൈക്ക്സ് എന്ന് പേരിട്ടിരിക്കുന്ന പറക്കും ബൈക്കുകള്‍ നിര്‍മ്മിച്ചുനല്‍കിയത്. 6000 മിറ്റര്‍ വരെ ഉയരത്തില്‍ പറക്കാന്‍ ശേഷിയുള്ള പറക്കും ബൈക്കുകളാണ്
ദുബായ് സേനക്കുള്ളത്.
