ജിഎസ്ടി റിട്ടേണ് അടയ്ക്കാന് വൈകിയവരില് നിന്ന് പിഴ ഈടാക്കില്ലെന്ന് ധനമന്ത്രി നിര്മ്മലാ സീതാരാമന്
ജിഎസ്ടി റിട്ടേണ് അടയ്ക്കാന് വൈകിയവരില് നിന്ന് പിഴ ഈടാക്കില്ലെന്ന് ധനമന്ത്രി നിര്മ്മലാ സീതാരാമന് അറിയിച്ചു. നികുതി കുടിശ്ശിക ഇല്ലാത്തവരില് നിന്ന് പീഴ ഈടാക്കില്ലെന്നാണ് മന്ത്രി അറിയിച്ചിരിക്കുന്നത്. നികുതി കുടിശ്ശിക ഉള്ളവരില് നിന്ന് ഒരു റിട്ടേണിന് 500 രൂപയില് കൂടുതല് പിഴയിനത്തില് ഈടാക്കില്ലെന്നും മന്ത്രി പറഞ്ഞു. ഈ ആനുകൂല്യം ജൂലൈ ഒന്നിനും ജൂലൈ 30നുമിടയില് സമര്പ്പിക്കുന്ന ജിഎസ്ടിആര്-3ബി റിട്ടേണുകള്ക്ക് എല്ലാം ബാധകമായിരിക്കുമെന്നും നിര്മ്മലാ സീതാരാമന് പറഞ്ഞു.
ജിഎസ്ടി കൗണ്സില് യോഗത്തിനു ശേഷമാണ് മന്ത്രി ഇക്കാര്യം അറിയിച്ചത്. യോഗത്തിലെടുത്ത മറ്റ് തീരുമാനങ്ങളെക്കുറിച്ച് വിവരങ്ങള് ലഭ്യമാകുന്നതേ ഉള്ളൂ.
കോവിഡ് വ്യാപനം സൃഷ്ടിച്ച പ്രതിസന്ധി മറികടക്കാന് വ്യാപാരികള്ക്ക് ഇളവ് അനുവദിച്ച് ജിഎസ്ടി കൗണ്സില്. ജിഎസ്ടി റിട്ടേണ് സമര്പ്പിക്കുന്നതില് കാലതാമസം വരുത്തിയവരുടെ പരമാവധി ലേറ്റ് ഫീ 500 രൂപയായി നിജപ്പെടുത്തി. ജൂലൈ ഒന്നിനും സെപ്റ്റംബര് 30 നും ഇടയില് റിട്ടേണ് സമര്പ്പിക്കുന്നവര്ക്ക് ഇളവ് അനുവദിക്കാനാണ് ജിഎസ്ടി കൗണ്സില് തീരുമാനം.
ജൂലൈ 2017 നും ജനുവരി 2020 കാലയളവില് ജിഎസ്ടി റിട്ടേണ് സമര്പ്പിക്കാത്തവര്ക്കാണ് ഇളവ് പ്രഖ്യാപിച്ചത്. വരുന്ന ജൂലൈ ഒന്നിനും സെപ്റ്റംബര് 30നും ഇടയില് റിട്ടേണ് സമര്പ്പിക്കാനാണ് അവസരം നല്കിയത്. പരമാവധി 500 രൂപ മാത്രമേ ലേറ്റ് ഫീയായി ഈടാക്കുകയുളളൂ.