എഴുപുന്ന പഞ്ചായത്ത് അഞ്ചാം വാർഡിൽ മണ്ണാവീട് നികർത്തിൽ അമ്മു ബാബു എന്ന ഏകയായ സ്ത്രീക്ക് ഇന്ത്യയിലെ ഏറ്റവും വലിയ യുവജനപ്രസ്ഥാനമായ DYFl യുടെ എരമല്ലൂർ മേഖലാ കമ്മറ്റി നിർമ്മിച്ചു നൽകിയ വീടിന്റെ താക്കോൽദാനം DYFI സംസ്ഥാന വൈസ് പ്രസിഡൻറ് അഡ്വ: മനു സി പുളിക്കൽ നിർവ്വഹിച്ചു.ഗൃഹോപകരണങ്ങളുടെ കൈമാറ്റം ബഹുമാനപ്പെട്ട അരൂർ എംഎൽഎ എ എം ആരിഫും നിർവഹിച്ചു. സിപിഐഎം അരൂർ ഏരിയ സെക്രട്ടറി പികെ സാബു മുഖ്യപ്രഭാഷണം നടത്തിയ ചടങ്ങിൽ ഡിവൈഎഫ്ഐയുടെ ജില്ലാ സെക്രട്ടറി R.രാഹുൽ,  ഡിവൈഎഫ്ഐ ബ്ലോക്ക് പ്രസിഡൻറ് V.Kസൂരജ്, സെക്രട്ടറി ശ്രീകാന്ത് ചന്ദ്രൻ, ലോക്കൽ കമ്മറ്റി സെക്രട്ടറി പി എൻ മോഹനൻ, മേഖലാ സെക്രട്ടറി അഖിൽ സി. എസ്, പ്രസിഡണ്ട് സ്മിനീഷ് എന്നിവർ പങ്കെടുത്തു.

അവകാശ പോരാട്ടങ്ങൾക്കൊപ്പം പാർശ്വവൽക്കരിക്കപ്പെട്ട ജനസമൂഹത്തെ താങ്ങി നിർത്തേണ്ട സാമൂഹ്യമായ കടമ നിറവേറ്റുക എന്ന ഡിവൈഎഫ്ഐയുടെ മുദ്രാവാക്യമാണ് തങ്ങൾ പ്രാവർത്തികമാക്കാൻ ശ്രമിച്ചതെന്ന് ഡി വൈ എഫ് ഐ മേഖലാ കമ്മിറ്റിയംഗം അർജുൻ സി പറഞ്ഞു. ഈ വലിയ ഉദ്യമത്തിൽ ഞങ്ങളോടൊപ്പം നിന്ന മുഴുവൻ ജനങ്ങളെയും ഹൃദയത്തോട് ചേർത്തുവച്ചു അഭിവാദനം ചെയ്യുന്നതോടൊപ്പം നന്ദി അറിയിക്കുന്നതായും അദ്ദേഹം പറഞ്ഞു.

മാതൃകാപരമായ ഈ പ്രവർത്തനത്തിനു ചുക്കാൻ പിടിച്ചത് എരമല്ലൂർ മേഖല കമ്മറ്റി മെമ്പർമാരായ അർജുൻ സി , ജയരാജ് , ഉണ്ണി സുകുമാരൻ,ബിബിൻ, നിതീഷ്, പ്രമോദ്, അഞ്ചൽ, അനന്തു, റഫീക്ക് എന്നിവരാണ്. ഇവരുടെ കഴിഞ്ഞ ഒരു മാസക്കാലത്തെ രാപകലില്ലാതെയുള്ള അധ്വാനമാണ് ഇന്നലെ അഗതിയായ ഒരമ്മയുടെ മുഖത്തെ പുഞ്ചിരിയായി മാറിയത്.