അഡീഷണൽ ചീഫ് സെക്രട്ടറിയുടെ നിർദേശം നടപ്പാകാതെ? ജിഎസ്ടി വകുപ്പിലെ ഡെപ്യൂട്ടി കമ്മീഷണർ നിയമനങ്ങൾ വൈകുന്നു; നടപടിയില്ലെന്ന വിമർശനം ശക്തം
തിരുവനന്തപുരം: സംസ്ഥാന ജിഎസ്ടി വകുപ്പിൽ ദീർഘകാലമായി ഒഴിഞ്ഞുകിടക്കുന്ന ഡെപ്യൂട്ടി കമ്മീഷണർമാരുടെ തസ്തികകൾ അടിയന്തരമായി നികത്തണമെന്ന അഡീഷണൽ ചീഫ് സെക്രട്ടറിയുടെ നിർദേശം ഉണ്ടായിട്ടും നിയമന നടപടികൾ ഇതുവരെ നടപ്പായിട്ടില്ലെന്ന ആക്ഷേപം ശക്തമാകുന്നു. വിഷയത്തിൽ ജിഎസ്ടി വകുപ്പിന്റെ ഭാഗത്ത് നിന്ന് ആവശ്യമായ തുടർനടപടികൾ ഉണ്ടാകുന്നില്ലെന്ന വിമർശനവും വിവിധ തലങ്ങളിൽ ഉയരുന്നതായാണ് വിവരം.
സംസ്ഥാനതലത്തിൽ വലിയ തോതിലുള്ള ഫീൽഡ് എൻഫോഴ്സ്മെന്റ്, പരിശോധന, നിരീക്ഷണം, ഭരണപരമായ ചുമതലകൾ എന്നിവ കൈകാര്യം ചെയ്യുന്ന നിർണായക തസ്തികകളാണ് ഡെപ്യൂട്ടി കമ്മീഷണർമാരുടേത്. എന്നാൽ ആവശ്യത്തിന് ഉദ്യോഗസ്ഥർ ലഭ്യമല്ലാത്തത് വകുപ്പിന്റെ പ്രവർത്തനത്തെ തന്നെ ബാധിക്കുന്നുവെന്നാണ് വിലയിരുത്തൽ.
ഈ സാഹചര്യത്തിലാണ് അഡീഷണൽ ചീഫ് സെക്രട്ടറി അടിയന്തരമായി ഒഴിവുകൾ നികത്താൻ നിർദേശം നൽകിയതെന്നാണ് വിവരം. എന്നാൽ നിർദേശം പുറപ്പെടുവിച്ചിട്ടും നിയമന നടപടികൾ അന്തിമഘട്ടത്തിലേക്ക് നീങ്ങാത്തത് ഉദ്യോഗസ്ഥ തലത്തിലും ചർച്ചയാകുകയാണ്.
ഇതുമായി ബന്ധപ്പെട്ട് ജിഎസ്ടി കമ്മീഷണർക്ക് വീണ്ടും കത്ത് നൽകാനുള്ള നീക്കവും പുരോഗമിക്കുകയാണ്. ഡെപ്യൂട്ടി കമ്മീഷണർമാരുടെ ഒഴിവുകൾ എത്രയും വേഗം നികത്തി വകുപ്പിന്റെ പ്രവർത്തനക്ഷമത ഉറപ്പാക്കണമെന്ന ആവശ്യം കത്തിൽ വീണ്ടും ശക്തമായി ഉന്നയിക്കുമെന്നാണ് വിവരം.
അതേസമയം, അഡീഷണൽ ചീഫ് സെക്രട്ടറിയുടെ വ്യക്തമായ നിർദേശത്തിന് ശേഷവും നിയമന നടപടികൾ വൈകുന്നതെന്തുകൊണ്ടാണെന്ന ചോദ്യവും വിവിധ കോണുകളിൽ നിന്ന് ഉയരുന്നുണ്ട്. ജിഎസ്ടി വകുപ്പിനകത്തെ ഭരണപരമായ താമസമാണോ അതോ മറ്റ് സാങ്കേതിക കാരണങ്ങളാണോ ഇതിന് പിന്നിലെന്നതും ചർച്ചയാകുകയാണ്.
ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...
സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ...
https://chat.whatsapp.com/GoyrNUkoWKqKCcBMDDaJKw?mode=gi_t
ടാക്സ് കേരള വായിക്കൂ... വരിക്കാരാകൂ...
