ജിഎസ്ടി വകുപ്പിൽ ഉന്നതതല സ്ഥാനക്കയറ്റം; എറണാകുളം ഓഡിറ്റിന് പുതിയ അഡീഷണൽ കമ്മീഷണർ
തിരുവനന്തപുരം: സംസ്ഥാന ജി.എസ്.ടി വകുപ്പിൽ ഉന്നതതല സ്ഥാനക്കയറ്റവും നിയമനവും സംബന്ധിച്ച സർക്കാർ ഉത്തരവ് പുറപ്പെട്ടു. സർക്കാർ പുറത്തിറക്കിയ G.O.(Rt) No.584/2026/TAXES ഉത്തരവ് പ്രകാരം എറണാകുളം ഓഡിറ്റ് വിഭാഗത്തിലെ ജോയിന്റ് കമ്മീഷണർ (Higher Grade) ആയിരുന്ന ഷൈനി ഒ.ബി. യെ അഡീഷണൽ കമ്മീഷണർ ഓഫ് സ്റ്റേറ്റ് ടാക്സ് തസ്തികയിലേക്ക് സ്ഥിരമായി സ്ഥാനക്കയറ്റം നൽകി.
സ്ഥാനക്കയറ്റത്തെ തുടർന്ന് നിലവിലുള്ള ഒഴിവിലേക്ക് എറണാകുളം ഓഡിറ്റ് വിഭാഗത്തിന്റെ അഡീഷണൽ കമ്മീഷണറായി നിയമിക്കുകയും ചെയ്തു.
2026 ജൂൺ 8-ന് പ്രസിദ്ധീകരിച്ച സെലക്ട് ലിസ്റ്റിൽ ഉൾപ്പെട്ട ഉദ്യോഗസ്ഥരിൽ നിന്നാണ് ഈ സ്ഥാനക്കയറ്റം നൽകിയിരിക്കുന്നത്. സംസ്ഥാന ചരക്ക് സേവന നികുതി കമ്മീഷണറുടെ ശുപാർശയുടെ അടിസ്ഥാനത്തിൽ ഗവർണറുടെ ഉത്തരവുപ്രകാരമാണ് നിയമനം.
സംസ്ഥാന ജി.എസ്.ടി വകുപ്പിലെ ഉന്നതതല ഭരണപരമായ പുനഃക്രമീകരണങ്ങളുടെ ഭാഗമായാണ് ഈ സ്ഥാനക്കയറ്റവും നിയമനവും വിലയിരുത്തപ്പെടുന്നത്.
ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...
സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ...
https://chat.whatsapp.com/GArY6otRpYTLMYpEtb9fwq
ടാക്സ് കേരള വായിക്കൂ..വരിക്കാരാകൂ..
