ന്യൂഡൽഹി: രാജ്യത്ത് നിയമം പാലിക്കാതെ പ്രവർത്തിച്ചിരുന്ന 357ഓഫ്ഷോർ ഗെയിമിങ് വെബ്സൈറ്റുകളും 2400 ബാങ്ക് അക്കൗണ്ടുകളും കേന്ദ്ര ധനകാര്യ മന്ത്രാലയം ബ്ലോക്ക് ചെയ്തതായി ഔദ്യോഗികമായി അറിയിച്ചു. G.S.T രേഖപ്പെടുത്താതെ അനധികൃതമായി ഓൺലൈൻ ഗെയിമിങ് സേവനങ്ങൾ നൽകുന്ന വിദേശ സ്ഥാപനങ്ങൾക്കെതിരെ ശക്തമായ നടപടികളാണ് ജി.എസ്.ടി ഡയറക്ടറേറ്റ് ജനറൽ (DGSTI) ഉൾപ്പെടെയുള്ള ഏജൻസികൾ കൈക്കൊണ്ടിരിക്കുന്നത്.

പൊതുജനങ്ങൾക്ക് മുന്നറിയിപ്പ്:

ഓഫ്ഷോർ ഗെയിമിങ് ആപ്പുകൾ ഉപയോഗിക്കുന്നത് നിയമപരമായി പാടില്ലെന്നും, ഇത്തരം പ്ലാറ്റ്ഫോമുകൾ പ്രചരിപ്പിക്കുന്ന സിനിമാ താരങ്ങളും സോഷ്യൽ മീഡിയ ഇൻഫ്ലുവൻസർമാരും നിരീക്ഷണത്തിലാണെന്നും മന്ത്രാലയം മുന്നറിയിപ്പു നൽകി. ഐ.പി.എൽ സീസൺ ആരംഭിക്കുന്ന സാഹചര്യത്തിൽ ഇത്തരം നിയമവിരുദ്ധ പ്രവർത്തനങ്ങൾക്ക് തുടക്കത്തിൽ തന്നെ തടയിടും എന്ന് മന്ത്രാലയം വ്യക്തമാക്കി.

700 കമ്പനികൾ നിരീക്ഷണത്തിൽ:

G.S.T രജിസ്‌ട്രേഷൻ ഇല്ലാതെ പ്രവർത്തിക്കുന്ന ഏകദേശം 700 ഓഫ്ഷോർ ഗെയിമിങ് കമ്പനികളാണ് നിലവിൽ DGSTI-യുടെ പ്രത്യേക നിരീക്ഷണത്തിൽ ഉള്ളത്. ഇവ G.S.T അടയ്ക്കാതെയാണ് ഇന്ത്യയിൽ വരുമാനം സൃഷ്ടിക്കുന്നതെന്നും, അതിനുള്ള തെളിവുകൾ അന്വേഷണത്തിൽ വ്യക്തമായതായും കേന്ദ്രം അറിയിച്ചു.

മ്യൂൾ ബാങ്കിങ് വഴി പണം കൈമാറ്റം:

166 മ്യൂൾ അക്കൗണ്ടുകൾ ഉൾപ്പെട്ടും, വ്യാജ ഐ.ഡി-കളുടെയും വ്യാജ മൊബൈൽ നമ്പറുകളുടെയും സഹായത്തോടെ അനധികൃതമായി പണം കൈമാറിയതായും കണ്ടെത്തിയിട്ടുണ്ട്. രണ്ട് വ്യത്യസ്ത കേസുകളിൽ 2400 ബാങ്ക് അക്കൗണ്ടുകൾ ബ്ലോക്ക് ചെയ്ത് 126 കോടി രൂപയുടെ ഫണ്ടുകൾ മരവിപ്പിച്ചതായും മന്ത്രാലയം വ്യക്തമാക്കി.

28% ജിഎസ്ടി ബാധ്യത:

ജിഎസ്ടി നിയമപ്രകാരം ഓൺലൈൻ മണിഗെയിമുകൾക്ക് 28 ശതമാനം ജിഎസ്ടി ബാധകമാണ്. ഇന്ത്യയിൽ നിയമപരമായി പ്രവർത്തിക്കാൻ ജി.എസ്.ടി രജിസ്റ്റർ ചെയ്യുന്നതും, ബന്ധപ്പെട്ട എല്ലാ നികുതി ബാധ്യതകളും പാലിക്കുന്നതും നിർബന്ധമാണെന്ന് മന്ത്രാലയം വ്യക്തമാക്കി.

തീവ്ര നടപടികൾ മുന്നോട്ട്:

നിയമവിരുദ്ധ ഓൺലൈൻ ഗെയിമിങ് സേവനങ്ങൾക്കെതിരെ കേന്ദ്ര സർക്കാർ തുടർന്നും തീവ്ര നടപടികൾ സ്വീകരിക്കുമെന്ന് അറിയിച്ചിട്ടുണ്ട്. ഐ.പി.എൽ സീസൺ തുടങ്ങിയ സാഹചര്യത്തിൽ ഇത്തരം ആപ്പുകളുടെ പ്രചാരവും ഉപയോഗവും തടയാൻ പ്രത്യേക സംയുക്ത അന്വേഷണങ്ങളും നിയന്ത്രണങ്ങളും ഏർപ്പെടുത്തുമെന്നും ധനകാര്യ മന്ത്രാലയം അറിയിച്ചു.

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... https://chat.whatsapp.com/HKekVcRCgOxETssUVNeury

ടാക്സ് കേരള വായിക്കൂ... വരിക്കാരാകു...