ആദായ നികുതിയില് വമ്പൻ ഇളവുകളുമായി കേന്ദ്ര ബഡ്ജറ്റ്
ന്യൂഡല്ഹി: ആദായ നികുതിയില് വമ്ബന് ഇളവുമായി മോദി സര്ക്കാരിന്റെ അവസാനത്തെ ഇടക്കാല ബജറ്റ്. ആദായ നികുതി നല്കേണ്ട വരുമാന പരിധി ഉയര്ത്തിയതാണ് ബഡ്ജറ്റിലെ ഏറ്റവും വലിയ പ്രത്യേകത. ആദായനികുതി നല്കാനുള്ള വാര്ഷിക വരുമാന പരിധി 2.5 ലക്ഷം രൂപയില് നിന്നും 5 ലക്ഷമാക്കി ഉയര്ത്തി.80 സിപ്രകാരമുള്ള ഇളവ് ഒന്നര ലക്ഷം രൂപയില് തുടരും. ഇതോടെ ആറര ലക്ഷം രൂപവരെയുള്ളവര്ക്ക് ആദായ നികുതി നല്കേണ്ടതില്ല. നിരക്ക് ഉയര്ത്തുന്നതോടുകൂടി മൂന്നുകോടി ജനങ്ങള്ക്ക് ഇതിന്റെ പ്രയോജനം ലഭിക്കും. അടുത്തവര്ഷം മുതല് നിലവില് വരും. അതേസമയം ഈ വര്ഷം നിലവിലെ പരിധി തുടരും.
പ്രതിവര്ഷം 2.4 ലക്ഷംവരെ വീട്ടുവാടക നല്കുന്നവരെയും നികുതിയില്നിന്ന് ഒഴിവാക്കിയിട്ടുണ്ട്. സ്റ്റാന്ഡേര്ഡ് ഡിഡക്ഷന് 40,000ത്തില്നിന്ന് 50,000 രൂപയാക്കി. ആദായ നികുതി പരിധി ഉയര്ത്തിയതോടെ മൂന്നുകോടി ജനങ്ങള്ക്ക് ഇതിന്റെ ഗുണം ലഭിക്കും.ആദായ നികുതി റീഫണ്ട് ഒരു ദിവസത്തിനുള്ളില് നല്കാനുള്ള പദ്ധതിയും സര്ക്കാര് ആവിഷ്കരിച്ചതായി മന്ത്രി പ്രഖ്യാപിച്ചു. ഇന്ഫോസിസാണ് ഇതിനുള്ള സാങ്കേതിക സഹായം നല്കുന്നത്.
