Banking
ബക്രീദ് പ്രമാണിച്ച് ബാങ്കുകൾക്ക് ഇന്നും നാളെയും അവധി
തിരുവനന്തപുരം: ബക്രീദ് പ്രമാണിച്ച് സംസ്ഥാനത്തെ ബാങ്കുകൾക്ക് ഇന്നും നാളെയും അവധി. സംസ്ഥാന സർക്കാർ നെഗോഷ്യബിൾ ഇൻസ്ട്രുമെന്റ്സ് ആക്ട് പ്രകാരം രണ്ട് ദിവസവും പൊതുഅവധി പ്രഖ്യാപിച്ചതോടെയാണ് ബാങ്ക് പ്രവർത്തനങ്ങൾ നിർത്തിവെച്ചത്.
ഇതിനൊപ്പം കഴിഞ്ഞ ദിവസങ്ങളിലുണ്ടായ സർക്കാർ അവധികളും ചേർന്നതോടെ ബാങ്കിംഗ് സേവനങ്ങളിൽ തുടർച്ചയായ ഇടവേളയാണ് ഉണ്ടായിരിക്കുന്നത്. സർക്കാർ, സ്വകാര്യ, സഹകരണ മേഖലകളിലെ ഭൂരിഭാഗം ബാങ്ക് ശാഖകളും അവധിയായിരിക്കുമ്പോൾ, എടിഎം, ഇന്റർനെറ്റ് ബാങ്കിംഗ്, മൊബൈൽ ബാങ്കിംഗ് സേവനങ്ങൾ സാധാരണ പോലെ ലഭ്യമാകുമെന്ന് ബാങ്ക് അധികൃതർ അറിയിച്ചു.
തുടർച്ചയായ അവധി ദിവസങ്ങൾ കാരണം ചെക്ക് ക്ലിയറൻസ്, ക്യാഷ് ട്രാൻസാക്ഷനുകൾ, ശാഖാതല സേവനങ്ങൾ എന്നിവയിൽ വൈകൽ ഉണ്ടാകാൻ സാധ്യതയുള്ളതിനാൽ ഉപഭോക്താക്കൾ മുൻകരുതൽ സ്വീകരിക്കണമെന്ന് ബാങ്കുകൾ നിർദേശിച്ചു.
