കേരളത്തിലെ റിയൽ എസ്റ്റേറ്റ് മേഖലയിലെ ജിഎസ്ടി വെട്ടിപ്പ് തുടരുന്നു; വീണ്ടും കടുത്ത നടപടികളിലേക്ക് ജിഎസ്ടി ഇൻ്റലിജൻസ്

കൊച്ചി: സംസ്ഥാനത്തെ റിയൽ എസ്റ്റേറ്റ് മേഖലയിലെ ജിഎസ്ടി വെട്ടിപ്പ് വീണ്ടും ശക്തമായി തുടരുന്നതായി കണ്ടെത്തി GST Intelligence . ഇതിനുമുമ്പ് തന്നെ വൻതോതിലുള്ള നികുതി ക്രമക്കേടുകൾ പുറത്തുകൊണ്ടുവന്ന ഈ മേഖലയിൽ, ഇന്നും തട്ടിപ്പ് രീതികൾ മാറിയ രൂപത്തിൽ തുടരുന്നുവെന്നതാണ് അന്വേഷണ ഏജൻസികളുടെ വിലയിരുത്തൽ.

ഡിജിജിഐയുടെ കൊച്ചി സോണൽ യൂണിറ്റ് നടത്തിയ മുൻപരിശോധനകളിൽ തന്നെ സംസ്ഥാനത്ത് പ്രവർത്തിക്കുന്ന നിരവധി റിയൽ എസ്റ്റേറ്റ് സ്ഥാപനങ്ങൾ ജിഎസ്ടി ചട്ടങ്ങൾ ലംഘിച്ച് നികുതി വെട്ടിപ്പ് നടത്തിയതായി കണ്ടെത്തിയിരുന്നു. ഇൻപുട്ട് ടാക്സ് ക്രെഡിറ്റ് (ITC) ദുരുപയോഗം, വിറ്റുവരവ് മറച്ചുവയ്ക്കൽ, ഭൂവുടമകൾക്ക് നൽകേണ്ട വിഹിതം രേഖപ്പെടുത്താത്തത് തുടങ്ങിയ രീതികളിലൂടെയാണ് തട്ടിപ്പ് നടന്നതെന്ന് അന്വേഷണത്തിൽ വ്യക്തമായിരുന്നു.

അന്നത്തെ നടപടികളിൽ കോടിക്കണക്കിന് രൂപയുടെ നികുതി വെട്ടിപ്പ് കണ്ടെത്തുകയും വലിയൊരു വിഹിതം തിരികെ വീണ്ടെടുക്കുകയും ചെയ്തിരുന്നുവെങ്കിലും, സമാന രീതികൾ ഇപ്പോഴും തുടരുന്നുവെന്നതാണ് പുതിയ വിലയിരുത്തൽ. ഡാറ്റാ അനാലിറ്റിക്സ്, ഇ-ഇൻവോയ്സ് ട്രാക്കിംഗ്, ബാങ്കിംഗ് ട്രാൻസാക്ഷൻ പരിശോധന എന്നിവയുടെ അടിസ്ഥാനത്തിൽ വീണ്ടും ഈ മേഖലയിലേക്ക് പ്രത്യേക ശ്രദ്ധ തിരിച്ചിട്ടുണ്ട്.

നികുതി നിയമങ്ങൾ പാലിക്കാത്ത സ്ഥാപനങ്ങൾക്കെതിരെ തിരച്ചിൽ, സമൻസ്, അക്കൗണ്ട് പരിശോധന, ഡിജിറ്റൽ തെളിവുകൾ ശേഖരണം തുടങ്ങിയ ശക്തമായ എൻഫോഴ്‌സ്‌മെന്റ് നടപടികൾ തുടരുകയാണ്. ആവശ്യമായ സാഹചര്യങ്ങളിൽ സിജിഎസ്ടി നിയമപ്രകാരം കർശന നടപടികൾ സ്വീകരിക്കുമെന്നും അധികൃതർ മുന്നറിയിപ്പ് നൽകി.

റിയൽ എസ്റ്റേറ്റ് മേഖലയിലെ നികുതിദായകർ അവരുടെ ഇടപാടുകൾ സ്വയം പരിശോധിച്ച് പിഴവുകൾ തിരുത്തേണ്ടതുണ്ടെന്ന് വിദഗ്ധർ ചൂണ്ടിക്കാട്ടുന്നു. നികുതി വെട്ടിപ്പ് കണ്ടെത്തിയാൽ കുടിശ്ശിക നികുതിക്ക് പുറമെ പലിശയും കനത്ത പിഴയും ചുമത്തപ്പെടും.

ഡിജിറ്റൽ ഇടപാടുകളും ഡാറ്റാ അനാലിറ്റിക്സ് സംവിധാനങ്ങളും ശക്തമായ സാഹചര്യത്തിൽ, ജിഎസ്ടി വെട്ടിപ്പ് മറയ്ക്കുക കൂടുതൽ ബുദ്ധിമുട്ടാകുന്നുവെന്നതാണ് നിലവിലെ സ്ഥിതി. അതിനാൽ, റിയൽ എസ്റ്റേറ്റ് മേഖലയിൽ സുതാര്യതയും നിയമാനുസൃതമായ നികുതി പാലനവും ഉറപ്പാക്കേണ്ടത് അത്യാവശ്യമാണെന്ന് ജിഎസ്ടി ഇൻ്റലിജൻസ് മുന്നറിയിപ്പ്.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/GoyrNUkoWKqKCcBMDDaJKw?mode=gi_t

ടാക്സ് കേരള വായിക്കൂ... വരിക്കാരാകൂ