AIS/TIS വിവരങ്ങൾ കാണുന്നതിന് നികുതിദായകർക്ക് സൗകര്യമൊരുക്കുന്നതിനായി ആദായനികുതി വകുപ്പ് മൊബൈൽ ആപ്പ് പുറത്തിറക്കി
വാർഷിക വിവര പ്രസ്താവനയിൽ (എഐഎസ്) / നികുതിദായക വിവര സംഗ്രഹത്തിൽ (ടിഐഎസ്) ലഭ്യമായ വിവരങ്ങൾ കാണുന്നതിന് നികുതിദായകർക്ക് സൗകര്യമൊരുക്കുന്നതിനായി ആദായനികുതി വകുപ്പ് ഒരു മൊബൈൽ ആപ്പ് പുറത്തിറക്കി, അതായത് ' എഐഎസ് ഫോർ ടാക്സ് പേയർ ' . ആദായ നികുതി വകുപ്പ് സൗജന്യമായി നൽകുന്ന ഒരു മൊബൈൽ ആപ്ലിക്കേഷനാണ് ' എഐഎസ് ഫോർ ടാക്സ് പേയർ ' , ഇത് ഗൂഗിൾ പ്ലേ & ആപ്പ് സ്റ്റോറിൽ ലഭ്യമാണ്. നികുതിദായകനെ സംബന്ധിക്കുന്ന വിവിധ സ്രോതസ്സുകളിൽ നിന്ന് ശേഖരിച്ച വിവരങ്ങൾ പ്രദർശിപ്പിക്കുന്ന നികുതിദായകന് AIS/TIS-ന്റെ സമഗ്രമായ കാഴ്‌ച നൽകാനാണ് ആപ്പ് ലക്ഷ്യമിടുന്നത്.
AIS/TIS-ൽ ലഭ്യമായ TDS/TCS, പലിശ, ലാഭവിഹിതം, ഓഹരി ഇടപാടുകൾ, നികുതി പേയ്‌മെന്റുകൾ, ആദായനികുതി റീഫണ്ടുകൾ, മറ്റ് വിവരങ്ങൾ (GST ഡാറ്റ, വിദേശ പണമയയ്ക്കൽ മുതലായവ) എന്നിവയുമായി ബന്ധപ്പെട്ട വിവരങ്ങൾ കാണാൻ നികുതിദായകർക്ക് മൊബൈൽ ആപ്പ് ഉപയോഗിക്കാം. ആപ്പിൽ പ്രദർശിപ്പിച്ചിരിക്കുന്ന വിവരങ്ങളെക്കുറിച്ച് ഫീഡ്‌ബാക്ക് നൽകാനുള്ള ഓപ്ഷനും സൗകര്യവും നികുതിദായകന് ഉണ്ട്.
ഈ മൊബൈൽ ആപ്പ് ആക്‌സസ് ചെയ്യുന്നതിന്, നികുതിദായകൻ പാൻ നമ്പർ നൽകി ആപ്പിൽ രജിസ്റ്റർ ചെയ്യേണ്ടതുണ്ട്, ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള മൊബൈൽ നമ്പറിലും ഇ-മെയിലിലും അയച്ച OTP ഉപയോഗിച്ച് പ്രാമാണീകരിക്കേണ്ടതുണ്ട്. പ്രാമാണീകരണത്തിന് ശേഷം, മൊബൈൽ ആപ്പ് ആക്‌സസ് ചെയ്യാൻ നികുതിദായകന് 4 അക്ക പിൻ സജ്ജീകരിക്കാം.
ആദായനികുതി വകുപ്പിന്റെ മറ്റൊരു സംരംഭം കൂടിയാണിത്.
