ആദായ നികുതി റിട്ടേൺ ഇ-വെരിഫിക്കേഷൻ സമയപരിധിക്ക് മുമ്പ് ചെയ്തില്ലെങ്കിൽ ഐടിആർ അസാധുവായി കണക്കാക്കും; എങ്ങനെയെല്ലാം ഇ- വെരിഫൈ ചെയ്യാം?
ആദായ നികുതി റിട്ടേൺ ഫയൽ ചെയ്ത് റീഫണ്ടിനായി കാത്തിരിക്കുന്നവരാണോ? 2024 ജൂലൈ 31 വരെ 7.28-ലധികം ആദായനികുതി റിട്ടേണുകൾ ഫയൽ ചെയ്യപ്പെട്ടിട്ടുണ്ട്.
2023 ജൂലൈ 31 വരെ സമർപ്പിച്ച ആദായ നികുതി റിട്ടേണുകളെക്കാൾ 7.5% കൂടുതലാണ് ഈ വർഷം ഫയൽ ചെയ്തിരിക്കുന്നത്. ഐടിആർ ഫയൽ ചെയ്ത വ്യക്തികൾക്ക് ഫയൽ ചെയ്ത തീയതി മുതൽ 120 ദിവസത്തിനുള്ളിൽ വെരിഫിക്കേഷൻ നടത്തേണ്ടതുണ്ട്.
ഇല്ലെങ്കിൽ ഐടിആർ അസാധുവായി കണക്കാക്കും. 6.21 കോടിയിലധികം ഐടിആറുകൾ ഇ-വെരിഫൈ ചെയ്തിട്ടുണ്ട്. ഇനി ബാക്കിയുള്ളവർ ഉടനെ ചെയ്യേണ്ടതാണ്.
ഇ-വെരിഫൈ ചെയ്യേണ്ടത് എന്തുകൊണ്ട്?
ആദായ നികുതി റിട്ടേൺ ഫയലിംഗ് പൂർത്തിയാക്കാൻആദായ നികുതി റിട്ടേണുകൾ പരിശോധിക്കേണ്ടതുണ്ട്.
നിങ്ങളുടെ ഐടിആർ പരിശോധിക്കുന്നതിനുള്ള ഏറ്റവും പ്രായോഗികവും വേഗത്തിലുള്ളതുമായ മാർഗ്ഗം ഇ വെരിഫിക്കേഷൻ ആണ്.
എങ്ങനെയെല്ലാം ഇ- വെരിഫൈ ചെയ്യാം?
*ആധാറുമായി രജിസ്റ്റർ ചെയ്ത മൊബൈൽ നമ്പറിലേക്ക് വരുന്ന ഒട്ടിപി
*മുൻകൂർ സാധുതയുള്ള ബാങ്ക് അക്കൗണ്ട് വഴി ജനറേറ്റ് ചെയ്ത ഇവിസി
*പ്രീ-വാലിഡേറ്റഡ് ഡീമാറ്റ് അക്കൗണ്ട് വഴി ജനറേറ്റ് ചെയ്ത ഇവിസി
*എടിഎം വഴിയുള്ള ഇവിസി
*നെറ്റ് ബാങ്കിംഗ്
*ഡിജിറ്റൽ സിഗ്നേച്ചർ സർട്ടിഫിക്കറ്റ്
ആധാർ ഉപയോഗിച്ച് എങ്ങനെ ഇ- വെരിഫൈ ചെയ്യാം.
ആധാറുമായി ലിങ്ക് ചെയ്ത മൊബൈൽ നമ്പറിൽ ലഭിക്കുന്ന ഒട്ടിപി വഴി ഇ- വെരിഫൈ ചെയ്യാം. ഇതിന് മൊബൈൽ നമ്പർ ആധാറുമായി ലിങ്ക് ചെയ്യുകയും യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ ഡാറ്റാബേസിൽ രജിസ്റ്റർ ചെയ്യുകയും വേണം, കൂടാതെ നിങ്ങളുടെ പാനും ആധാറുമായി ലിങ്ക് ചെയ്തിരിക്കണം
ആധാർ നമ്പർ ഉപയോഗിച്ച് ആദായ നികുതി റിട്ടേൺ എങ്ങനെ ഇ-വെരിഫൈ ചെയ്യാം
ഘട്ടം 1: ഇ-ഫയലിംഗ് പോർട്ടലിൽ ലോഗിൻ ചെയ്ത് ഇ-വെരിഫൈ റിട്ടേൺ ഓപ്ഷനിൽ ക്ലിക്ക് ചെയ്യുക
ഘട്ടം 2: ‘ഇ-വെരിഫൈ’ പേജിൽ, ‘ആധാറിൽ രജിസ്റ്റർ ചെയ്ത മൊബൈൽ നമ്പറിൽ ഒട്ടിപി ഉപയോഗിച്ച് പരിശോധിക്കുക എന്നത് തിരഞ്ഞെടുത്ത് ‘തുടരുക’ ക്ലിക്ക് ചെയ്യുക.
ഘട്ടം 3: ‘എന്റെ ആധാർ വിശദാംശങ്ങൾ സാധൂകരിക്കാൻ ഞാൻ സമ്മതിക്കുന്നു’ എന്ന ടിക്ക് ബോക്സ് ടിക്ക് ചെയ്യുക
ഘട്ടം 4: ‘ജനറേറ്റ് ആധാർ ഒട്ടിപി’ ക്ലിക്ക് ചെയ്യുക
നിങ്ങളുടെ രജിസ്റ്റർ ചെയ്ത മൊബൈൽ നമ്പറിലേക്ക് 6 അക്ക ഒട്ടിപി എസ്എംഎസ് ആയി ലഭിക്കും.
ഘട്ടം 5: ലഭിച്ച ഒട്ടിപി നൽകുക.
ഒട്ടിപി വിജയകരമായി സമർപ്പിക്കുമ്പോൾ, നിങ്ങളുടെ ഐടിആർ പരിശോധിക്കപ്പെടും. ഒട്ടിപിക്ക് 15 മിനിറ്റ് മാത്രമേ സാധുതയുള്ളൂ. ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള നിങ്ങളുടെ ഇമെയിൽ ഐഡിയിലേക്ക് ഒരു ഇമെയിൽ അയയ്ക്കുകയും ചെയ്യും.
സാമ്പത്തിക-നികുതി ലോകത്തെ വാർത്തകളും വിശകലനങ്ങളും whatsapp വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... https://chat.whatsapp.com/G6uXw4w7ptK4LyPegRgWnC
