കൊച്ചി: സംസ്ഥാനത്ത് ജി.എസ്.ടി വകുപ്പ് നടത്തുന്ന പരിശോധനകൾ നിയമാനുസൃതമായി വ്യാപാരം നടത്തുന്ന വ്യാപാരികളെ ലക്ഷ്യമിട്ടുള്ളതല്ലെന്നും, നികുതി വെട്ടിപ്പ് തടയുക മാത്രമാണ് ലക്ഷ്യമെന്നും മുഖ്യമന്ത്രി വി.ഡി. സതീശൻ വ്യക്തമാക്കി.

പഴയ സ്വർണം വാങ്ങുന്നതിന്റെ പേരിൽ ചിലയിടങ്ങളിൽ വൻതോതിൽ നികുതി വെട്ടിപ്പ് നടക്കുന്നതായി സർക്കാരിന്റെ ശ്രദ്ധയിൽപ്പെട്ട സാഹചര്യത്തിലാണ് പരിശോധനകൾ ശക്തമാക്കിയതെന്ന് മുഖ്യമന്ത്രി പറഞ്ഞു. നിയമപരമായി കച്ചവടം നടത്തുന്ന ഒരു വ്യാപാരിയെയും അകാരണമായി ഉപദ്രവിക്കില്ലെന്നും അദ്ദേഹം ഉറപ്പുനൽകി.

ജി.എസ്.ടി പരിശോധനകളുമായി ബന്ധപ്പെട്ട ആശങ്കകൾ ചൂണ്ടിക്കാട്ടി ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ (AKGSMA) ഭാരവാഹികൾ മുഖ്യമന്ത്രിയെ സന്ദർശിച്ച് നിവേദനം സമർപ്പിച്ചപ്പോഴായിരുന്നു അദ്ദേഹത്തിന്റെ പ്രതികരണം.

പരിശോധനകൾ സത്യസന്ധരായ വ്യാപാരികളെ ബുദ്ധിമുട്ടിക്കാനല്ല, മറിച്ച് നികുതി വെട്ടിപ്പ് നടത്തുന്നവരെ കണ്ടെത്തി നിയമനടപടി സ്വീകരിക്കാനാണെന്നും, വ്യാപാര സമൂഹത്തിന്റെ ന്യായമായ ആശങ്കകൾ സർക്കാർ പരിഗണിക്കുമെന്നും മുഖ്യമന്ത്രി വ്യക്തമാക്കി.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/GArY6otRpYTLMYpEtb9fwq

ടാക്സ് കേരള വായിക്കൂ..വരിക്കാരാകൂ..