കൊച്ചി: സംസ്ഥാന ചരക്കുസേവന നികുതി വകുപ്പിന്റെ എറണാകുളം ഓഡിറ്റ് വിഭാഗത്തിൽ ഡെപ്യൂട്ടി സ്റ്റേറ്റ് ടാക്സ് ഓഫീസർ, അസിസ്റ്റന്റ് സ്റ്റേറ്റ് ടാക്സ് ഓഫീസർ തസ്തികകളിലുള്ള 24 ഉദ്യോഗസ്ഥരെ സ്ഥലംമാറ്റി നിയമിച്ചു. ഭരണപരമായ സൗകര്യവും ഔദ്യോഗിക പ്രവർത്തനങ്ങളുടെ ആവശ്യകതയും പരിഗണിച്ചാണ് നടപടി.

എറണാകുളം ജോയിന്റ് കമ്മിഷണർ (ഓഡിറ്റ്) പ്രമോദ് ബി. നവംബർ 11ന് പുറപ്പെടുവിച്ച JC-ADTEKM/2018/2026-A1 നമ്പർ ഉത്തരവിലാണ് പുതിയ നിയമനങ്ങൾ വ്യക്തമാക്കിയിരിക്കുന്നത്. സംസ്ഥാന ജിഎസ്ടി കമ്മിഷണറുടെ 2026 ഒക്ടോബർ 14ലെ ഉത്തരവും വിവിധ ഉദ്യോഗസ്ഥർ സമർപ്പിച്ച അപേക്ഷകളും പരിഗണിച്ചാണ് സ്ഥലംമാറ്റം.

എറണാകുളം, ആലുവ, അങ്കമാലി, പെരുമ്പാവൂർ, മൂവാറ്റുപുഴ എന്നിവിടങ്ങളിലെ ഓഡിറ്റ് ഡിവിഷനുകളിലും എറണാകുളം ഓഡിറ്റ് ആസ്ഥാനത്തുമാണ് മാറ്റങ്ങൾ നടപ്പാക്കുന്നത്.

ഉത്തരവുപ്രകാരം സുജ പി. നായരെ എറണാകുളം ഓഡിറ്റ് ഡിവിഷൻ മൂന്നിൽനിന്ന് ഡിവിഷൻ ആറിലെ ടീം 12ലേക്കും സേതി വി.എമ്മിനെ മൂവാറ്റുപുഴ ഓഡിറ്റ് വിഭാഗത്തിൽനിന്ന് എറണാകുളം ഓഡിറ്റ് ഡിവിഷൻ മൂന്നിലെ ടീം ആറിലേക്കും മാറ്റി നിയമിച്ചു.

സുനിൽകുമാർ എൻ.സിയെ എറണാകുളം ഓഡിറ്റ് ഡിവിഷൻ ഒന്നിൽനിന്ന് മട്ടാഞ്ചേരിയിലെ ഓഡിറ്റ് ആസ്ഥാനത്തേക്കും സനൽ സിയെ ഓഡിറ്റ് ആസ്ഥാനത്തുനിന്ന് എറണാകുളം ഓഡിറ്റ് ഡിവിഷൻ ഏഴിലെ ടീം 15ലേക്കും നിയമിച്ചു.

ശ്രീകല എൻ. അങ്കമാലി ഓഡിറ്റ് വിഭാഗത്തിലേക്കും ദിന സി.എഫ്. എറണാകുളം ഓഡിറ്റ് ഡിവിഷൻ നാലിലേക്കും പ്രതീഷ് പി.എസ്. പെരുമ്പാവൂർ ഓഡിറ്റ് ഡിവിഷൻ രണ്ടിലേക്കും വിജയകുമാർ എച്ച്. എറണാകുളം ഓഡിറ്റ് ഡിവിഷൻ അഞ്ചിലേക്കും ജയകുമാരി പി.ജി. മൂവാറ്റുപുഴ ഓഡിറ്റ് വിഭാഗത്തിലേക്കും സ്ഥലംമാറ്റപ്പെട്ടു.

ഷബീറ ഐയെ മൂവാറ്റുപുഴ ഓഡിറ്റ് വിഭാഗത്തിലേക്കും വിനു അരവിന്ദിനെ എറണാകുളം ഓഡിറ്റ് ഡിവിഷൻ മൂന്നിലേക്കും പാർവതി എസിനെ എറണാകുളം ഓഡിറ്റ് ഡിവിഷൻ നാലിലേക്കും രജിനിമോൾ എം.ആറിനെ അങ്കമാലി ഓഡിറ്റ് വിഭാഗത്തിലേക്കും നിയമിച്ചു.

മഞ്ജുള ഗോപിയെ പെരുമ്പാവൂർ ഓഡിറ്റ് ഡിവിഷൻ ഒന്നിലേക്കും സൗമ്യ സി. ഐസക്കിനെ പെരുമ്പാവൂർ ഓഡിറ്റ് ഡിവിഷൻ രണ്ടിലേക്കും സുജ വിയെ ആലുവ ഓഡിറ്റ് ഡിവിഷൻ ഒന്നിലേക്കും രഞ്ജുഷ് ജോസിനെ പെരുമ്പാവൂർ ഓഡിറ്റ് ഡിവിഷൻ രണ്ടിലേക്കും മാറ്റി.

പ്രീജ എസിനെ എറണാകുളം ഓഡിറ്റ് ഡിവിഷൻ ഒന്നിലേക്കും ദീപ്തി ദാസ് ഡിയെ ആലുവ ഓഡിറ്റ് ഡിവിഷൻ രണ്ടിലേക്കും സിന്ധു ഇ.കെയെ എറണാകുളം ഓഡിറ്റ് ഡിവിഷൻ ആറിലേക്കും സുമിത് വി. നായരെ എറണാകുളം ഓഡിറ്റ് ഡിവിഷൻ നാലിലേക്കും നിയമിച്ചു.

സൗമ്യ പി.കെ. പെരുമ്പാവൂർ ഓഡിറ്റ് ഡിവിഷൻ ഒന്നിലേക്കും ബിനിത കെ.ബി. ആലുവ ഓഡിറ്റ് ഡിവിഷൻ രണ്ടിലേക്കും ജീതു അൽഫോൻസ ജോസഫ് എറണാകുളം ഓഡിറ്റ് ഡിവിഷൻ അഞ്ചിലേക്കും സ്ഥലംമാറ്റപ്പെട്ടു.

സ്ഥലംമാറ്റം ലഭിച്ച എല്ലാ ഉദ്യോഗസ്ഥരും പുതിയ ഓഫീസുകളിൽ അടിയന്തര പ്രാബല്യത്തോടെ ജോലിയിൽ പ്രവേശിക്കണമെന്ന് ഉത്തരവിൽ നിർദേശിച്ചിട്ടുണ്ട്. എറണാകുളം മേഖലയിലെ വിവിധ ഓഡിറ്റ് ടീമുകളുടെ ഉദ്യോഗസ്ഥ വിന്യാസത്തിലാണ് ഇതോടെ മാറ്റം വരുന്നത്.