ആറാമത്തെ തവണയാണ് നിർമ്മലാ സീതാരാമൻ ബഡ്ജറ്റ് അവതരിപ്പിക്കുന്നത്. ഇത്തവണ സമ്ബൂർണ യൂണിയൻ ബഡ്ജറ്റിന് പകരം ഇടക്കാല ബഡ്ജറ്റായിരിക്കും അവതരിപ്പിക്കുക. 

തിരഞ്ഞെടുപ്പിന് മുന്നോടിയായാണ് അതത് സർക്കാറുകള്‍ ഇടക്കാല ബഡ്ജറ്റ് അവതരിപ്പിക്കാറുള്ളത്. ആ സാമ്ബത്തിക വർഷത്തില്‍ പുതിയ സർക്കാർ അധികാരം ഏല്‍ക്കുന്നത് വരെ, സാധാരണയായി കുറച്ച്‌ മാസങ്ങള്‍ക്കുള്ളില്‍ താല്‍ക്കാലിക ചെലവുകള്‍ കൈകാര്യം ചെയ്യുന്നതിനാണ് ഇടക്കാല ബഡ്ജറ്റ് അവതരിപ്പിക്കുന്നത്.

2024 ഏപ്രില്‍ ഒന്ന് മുതല്‍ പുതിയ സാമ്ബത്തിക വർഷം ആരംഭിക്കും. അതിനാല്‍, ഫെബ്രുവരി ഒന്നിന് തന്നെ ഇടക്കാല ബഡ്ജറ്റ് അവതരിപ്പിക്കേണ്ടതുണ്ട്.

തിരഞ്ഞെടുപ്പിന് ശേഷം പുതിയ സർക്കാർ രൂപീകരിച്ച്‌ കഴിഞ്ഞാല്‍ 2024-ലെ സമ്ബൂർണ യൂണിയൻ ബഡ്ജറ്റ് ധനമന്ത്രി ജൂലൈയില്‍ അവതരിപ്പിക്കും.

2024 ലെ ബഡ്ജറ്റ് സെഷൻ ജനുവരി 31-ന് ആരംഭിച്ച്‌ ഫെബ്രുവരി 9 വരെ പാർലമെൻ്റില്‍ തുടരും.