ഇ- ഇന്വോയിസിംഗുമായി ബന്ധപ്പെട്ട് പുതിയ മാറ്റങ്ങള് വരുത്താന് ഒരുങ്ങി കേന്ദ്ര സര്ക്കാര്.
ഇ- ഇന്വോയിസിംഗുമായി ബന്ധപ്പെട്ട് പുതിയ മാറ്റങ്ങള് വരുത്താന് ഒരുങ്ങി കേന്ദ്ര സര്ക്കാര്. റിപ്പോര്ട്ടുകള് പ്രകാരം, അഞ്ചു കോടി രൂപയ്ക്കും അതിനു മുകളിലും വിറ്റുവരവുളള സ്ഥാപനങ്ങള്ക്കാണ് ജിഎസ്ടി ഇ- ഇന്വോയ്സ് നിര്ബന്ധമാക്കുന്നത്
കൂടാതെ, ഈ സാമ്ബത്തിക വര്ഷത്തില് രണ്ട് ഘട്ടങ്ങളിലായി ഇ-ഇന്വോയ്സിംഗ് പരിധി കുറയ്ക്കാനും സാധ്യതയുണ്ട്.
ഓട്ടോമാറ്റിക് ഡാറ്റ എന്ട്രി, മറ്റ് പിശകുകള് എന്നിവ ഒഴിവാക്കാന് ഇ- ഇന്വോയ്സ് വരുന്നതോടെ സാധ്യമാകും. കൂടാതെ, ഇടപാടുകളില് കൂടുതല് സുതാര്യത വരുത്തി, ഡാറ്റ ഡിജിറ്റലൈസ് ചെയ്യുകയാണ് കേന്ദ്രം ഇതിലൂടെ ലക്ഷ്യമിടുന്നത്. 2020 ഒക്ടോബറിലാണ് ഇ- ഇന്വോയ്സിംഗ് പ്രാബല്യത്തിലായത്. ആദ്യ ഘട്ടത്തില് 500 കോടി രൂപയ്ക്ക് മുകളില് വിറ്റുവരമുള്ള സ്ഥാപനങ്ങള്ക്കായിരുന്നു ഇ- ഇന്വോയ്സിംഗ് നിര്ബന്ധമാക്കിയിരുന്നത്.
നിലവില്, എല്ലാ ബിസിനസുകള്ക്കും ഒരു പോര്ട്ടലാണ് ഉള്ളത്. അതിനാല്, ഏകദേശം ആറ് ഇന്വോയ്സ് രജിസ്ട്രേഷന് പോര്ട്ടലുകള് ആരംഭിക്കാന് പദ്ധതിയിടുന്നുണ്ട്. ഇ- ഇന്വോയ്സിംഗ് പ്രാബല്യത്തിലാകുന്നതോടെ, നികുതി വെട്ടിപ്പുകള് കുറയ്ക്കാനും സര്ക്കാറിന്റെ വരുമാനം ഉയര്ത്താനും കഴിയുമെന്നാണ് വിലയിരുത്തല്.
