തിരുവനന്തപുരം: ഗുണനിലവാരമില്ലാത്ത ഭക്ഷണം, പഴകിയ ഭക്ഷ്യവസ്തുക്കൾ, ശുചിത്വമില്ലാത്ത ഹോട്ടലുകൾ, കാലാവധി കഴിഞ്ഞ ഉൽപ്പന്നങ്ങളുടെ വിൽപ്പന തുടങ്ങിയ ഭക്ഷ്യസുരക്ഷാ നിയമലംഘനങ്ങൾക്കെതിരെ പൊതുജനങ്ങൾക്ക് ഇനി എളുപ്പത്തിൽ പരാതി നൽകാം. ഭക്ഷ്യസുരക്ഷാ വകുപ്പിന്റെ ഓൺലൈൻ പരാതി സംവിധാനത്തിലൂടെയും ടോൾഫ്രീ നമ്പറിലൂടെയും പരാതികൾ രജിസ്റ്റർ ചെയ്യാനുള്ള സൗകര്യം ലഭ്യമാണ്.

ഭക്ഷ്യസുരക്ഷയുമായി ബന്ധപ്പെട്ട പരാതികൾ 1800 425 1125 എന്ന ടോൾഫ്രീ നമ്പറിലോ "eatright.foodsafety.kerala.gov.in" (https://reference-url-citation.invalid/0) വഴിയോ രജിസ്റ്റർ ചെയ്യാം.

ഓൺലൈൻ പോർട്ടലിലൂടെ ഫോട്ടോകളും വീഡിയോകളും ഉൾപ്പെടെയുള്ള തെളിവുകൾ സമർപ്പിക്കാൻ സാധിക്കും. പരാതി ലഭിച്ചാൽ ഭക്ഷ്യസുരക്ഷാ വകുപ്പ് പരിശോധന നടത്തി ആവശ്യമായ നിയമനടപടികൾ സ്വീകരിക്കും. പരാതിയിന്മേൽ സ്വീകരിച്ച നടപടികളുടെ വിവരങ്ങളും പരാതിക്കാർക്ക് പോർട്ടലിലൂടെ തന്നെ അറിയാൻ കഴിയും.

സുരക്ഷിതവും ഗുണമേന്മയുള്ളതുമായ ഭക്ഷണം ഓരോ പൗരന്റെയും അവകാശമാണെന്നും ഭക്ഷ്യസുരക്ഷാ നിയമലംഘനങ്ങൾ ശ്രദ്ധയിൽപ്പെട്ടാൽ പൊതുജനങ്ങൾ ഉടൻ പരാതി നൽകണമെന്നും അധികൃതർ അഭ്യർഥിച്ചു.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/JGrMs1p0BXr8vsBoLippuq?s=cl&p=a&mlu=0

ടാക്സ് കേരള വായിക്കൂ.......വരിക്കാരാകൂ...