Headlines
പിഎഫ് പെൻഷൻ കേസ് അടുത്ത മാസത്തേക്ക് മാറ്റി; ഇനി കേസ് പരിഗണിക്കുക ഓഗസ്റ്റ് 11ന്
ഉയർന്ന ശമ്പളത്തിന് ആനുപാതികമായി പ്രൊവിഡന്റ് ഫണ്ട് (പിഎഫ്) പെൻഷൻ നൽകുന്നത് സംബന്ധിച്ച കേസ് പരിഗണിക്കുന്നത് മാറ്റിവച്ച് സുപ്രീം കോടതി. പുതിയ തീരുമാനപ്രകാരം ഇനി ഓഗസ്റ്റ് 11 നാണ് കേസ് പരിഗണിക്കുക.
ഇന്നലെ കേസ് പരിഗണിച്ചപ്പോൾ ഇന്ന് വിശദമായി കേസിൽ വാദം കേൾക്കാമെന്ന് കോടതി വ്യക്തമാക്കി. എന്നാൽ, കേസുമായി ബന്ധപ്പെട്ട കക്ഷികൾ അസൗകര്യം അറിയിച്ചതിനെ തുടർന്ന് കേസ് ഓഗസ്റ്റിലേക്ക് നീട്ടുന്നതായി സുപ്രീം കോടതി അറിയിച്ചു.
