ന്യൂഡൽഹി: ജിഎസ്‌ടി അപ്പീൽ നടപടികൾക്ക് ആശ്വാസമായി, ജിഎസ്‌ടി അപ്പീലേറ്റ് ട്രൈബ്യൂണലിൽ (GSTAT) അപ്പീൽ സമർപ്പിക്കാനുള്ള സമയപരിധി കേന്ദ്ര സർക്കാർ 2026 ജൂലൈ 31 വരെ നീട്ടി.

നേരത്തെ പുറത്തിറക്കിയ വിജ്ഞാപനപ്രകാരം, 2026 ഏപ്രിൽ 1-ന് മുമ്പ് പുറപ്പെടുവിച്ച ഉത്തരവുകൾക്കെതിരായ അപ്പീലുകൾ 2026 ജൂൺ 30-നകം സമർപ്പിക്കണമെന്നായിരുന്നു വ്യവസ്ഥ. എന്നാൽ വ്യാപാരികൾ, നികുതിദായകർ, നികുതി വിദഗ്ധർ തുടങ്ങിയ വിവിധ മേഖലകളിൽ നിന്നുള്ള അഭ്യർഥനകൾ പരിഗണിച്ചാണ് സമയപരിധി ഒരു മാസം കൂടി നീട്ടാൻ തീരുമാനിച്ചത്.

ഔദ്യോഗിക കണക്കുകൾ പ്രകാരം, അവസാന 15 ദിവസത്തിനിടെ മാത്രം ഏകദേശം 30,000 അപ്പീലുകളാണ് ട്രൈബ്യൂണലിൽ സമർപ്പിക്കപ്പെട്ടത്. നിലവിൽ പ്രതിദിനം 5,500-ലധികം അപ്പീലുകൾ ലഭിക്കുന്ന സാഹചര്യത്തിലാണ് സമയപരിധി നീട്ടിയതെന്നാണ് വിവരം.

അതേസമയം, 2026 ഏപ്രിൽ 1-ന് ശേഷം പുറപ്പെടുവിക്കുന്ന ജിഎസ്‌ടി ഉത്തരവുകൾക്കെതിരായ അപ്പീലുകൾ നിലവിലെ നിയമപ്രകാരം ഉത്തരവ് ലഭിച്ച് മൂന്ന് മാസത്തിനുള്ളിൽ തന്നെ സമർപ്പിക്കണം. ഈ വ്യവസ്ഥയിൽ മാറ്റമില്ല.

സമയപരിധി നീട്ടിയ തീരുമാനം, വിവിധ കാരണങ്ങളാൽ ജൂൺ 30-നകം അപ്പീൽ സമർപ്പിക്കാൻ കഴിയാതിരുന്ന വ്യാപാരികൾക്കും നികുതിദായകർക്കും വലിയ ആശ്വാസമാകുമെന്നാണ് നികുതി വിദഗ്ധരുടെ വിലയിരുത്തൽ. അർഹരായവർ പുതിയ സമയപരിധിക്കുള്ളിൽ ആവശ്യമായ രേഖകൾ സഹിതം അപ്പീൽ സമർപ്പിക്കണമെന്ന് വിദഗ്ധർ നിർദേശിക്കുന്നു.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/GJGpmiNETfoFZ6GzhbUCfd

ടാക്സ് കേരള വായിക്കൂ.......വരിക്കാരാകൂ...