അന്താരാഷ്ട്ര വിപണിയില്‍ ഏറെ പ്രചരത്തിലുള്ള നിസാന്റെ ഇലക്‌ട്രോണിക് വാഹനമാണ് ലീഫ്. നിലവില്‍ അന്താരാഷ്ട്ര വിപണിയിലുള്ള ലിഫിന്റെ രണ്ടാം തലമുറ പതിപ്പിനെ തന്നെയാണ് നിസാന്‍ ഇന്ത്യയിലെത്തിക്കുന്നത്. പൂര്‍ണമായും വിദേശത്ത് നിര്‍മ്മിച്ച്‌ ഇറക്കുമതി ചെയ്യുന്നതരത്തിലാകും വാഹനം ഇന്ത്യയില്‍ എത്തുക.

നിസാന്റെ മറ്റു വാഹനങ്ങളുടെ രൂപത്തില്‍ നിന്നും ഏറെ വ്യത്യസ്തമാണ് ലീഫ്. ആദ്യ കാഴ്ചയില്‍ ലിഫ് ഇലക്‌ട്രോണിക് കാര്‍ ആണ് എന്ന് തോന്നില്ല. മുന്നില്‍ ഗ്രില്ലുകള്‍ ഉണ്ടാകില്ല എന്നത് മാത്രമാണ് ഇലക്‌ട്രോണിക് വാഹനം ആണെന്ന് തോന്നല്‍ ഉണ്ടാക്കുക. വി ആകൃതിയിലുള്ള ബ്ലാക്ക് പാനലാണ് ഗ്രില്ലിന് പകരമായി നല്‍കിയിരിക്കുന്നത്.

ഇരട്ട ബീമുകളുള്ള ഹെഡ്ലമ്ബുകളാണ് വാഹനത്തിന് ഉള്ളത്. ഹാച്ച്‌ബാക്ക് വാഹനമാണെങ്കില്‍കൂടിയും സൈഡില്‍നിന്നുമുള്ള കാഴ്ചയില്‍ വഹനം ഒരു കുഞ്ഞ് എസ് യു വി പോലെ തോന്നിയേക്കാം. ഇന്ത്യയില്‍ പ്രീമിയം ക്യാറ്റഗറിയില്‍ വാഹനത്തെ നിലനിര്‍ത്താനാണ് നിസാന്റെ തീരുമാനം. ഇറക്കുമതി ചെയ്യുന്നതിനാല്‍ വാഹത്തിന് വില കൂടുതലായിരിക്കും 35 ലക്ഷമാണ് ലിഫിന് ഇന്ത്യയില്‍ പ്രതീക്ഷിക്കപ്പെടുന്ന വില.

148 ബി എച്ച്‌ പി കരുത്തും 320 എന്‍ എം ടോര്‍ക്കും പരമവധി സൃഷ്ടിക്കാന്‍ ശേഷിയുള്ള ഇലക്‌ട്രിക് മോട്ടോറാണ് വാഹനത്തിന്റെ കരുത്ത്. 40 kwh ബാറ്ററിയാണ് വഹനത്തിന് പ്രവര്‍ത്തിക്കാനാവശ്യമായ ഊര്‍ജ്ജം നല്‍കുന്നത്. ഒറ്റ ചാര്‍ജില്‍ 400 കിലോമീറ്റര്‍ രൂരം സഞ്ചരിക്കാന്‍ വാഹനത്തിനാകും. അതിവേഗ ചാര്‍ജര്‍ ഉപയോഗിച്ചാല്‍ 40 മിനിറ്റുകള്‍കൊണ്ട് 80 ശതമാനം ചാര്‍ജ് കൈവരിക്കാന്‍ വാഹനത്തിന് സാധിക്കും എന്ന് നിസന്‍ അവകാശപ്പെടുന്നു.