സംസ്ഥാനങ്ങള്ക്ക് ജിഎസ്ടി നഷ്ടപരിഹാരം; 17,000 കോടി അനുവദിച്ച് കേന്ദ്രസര്ക്കാര്
സംസ്ഥാനങ്ങള്ക്ക് ജിഎസ്ടി നഷ്ടപരിഹാരമായി 17000 കോടി രൂപ കേന്ദ്രം അനുവദിച്ചു. ചരക്ക് സേവന നികുതി നടപ്പാക്കിയത് കാരണമുണ്ടായ വരുമാന നഷ്ടം നികത്താന് കേന്ദ്ര സര്ക്കാര് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും 17000 കോടി രൂപ അനുവദിച്ചു.
2022 ഏപ്രില് മുതല് ജൂണ് വരെയുള്ള കുടിശ്ശികയാണ് കേന്ദ്രം അനുവദിച്ചത്.
നേരത്തെ കേന്ദ്ര ധനമന്ത്രിയുമായി നടത്തിയ കൂടിക്കാഴ്ചയില് ജിഎസ്ടി നഷ്ടപരിഹാര കുടിശ്ശിക നല്കണമെന്ന് കേരളം ആവശ്യപ്പെട്ടിരുന്നു. നടപ്പു സാമ്ബത്തിക വര്ഷം ഇപ്പോള് അനുവദിച്ച തുക ഉള്പ്പെടെ ആകെ 1,15,662 കോടി രൂപ ജിഎസ്ടി നഷ്ടപരിഹാരമായി അനുവദിച്ചിട്ടുണ്ടെന്നും സര്ക്കാര് അറിയിച്ചു.
കേന്ദ്ര ബജറ്റിന് മുന്നോടിയായി സംസ്ഥാനങ്ങളുമായി നടത്തിയ പ്രത്യേക ചര്ച്ചയില് സംസ്ഥാനങ്ങള്ക്ക് കൂടുതല് സാമ്ബത്തിക സ്വാതന്ത്ര്യം നല്കണമെന്ന് ധനമന്ത്രാലയം ആവശ്യപ്പെട്ടതായി ധനമന്ത്രി കെ എന് ബാലഗോപാല് പറഞ്ഞു. വായ്പാ പരിധി കുറയ്ക്കുന്നതില് ധനമന്ത്രി പുനര്വിചിന്തനവും മുന്നോട്ടുവെച്ചു. സംസ്ഥാനത്തിന് ലഭിക്കേണ്ട പണം അനുവദിക്കണമെന്നായിരുന്നു യോഗത്തില് ഉയര്ന്ന പ്രധാന ആവശ്യം.
