സേവന മേഖലയിൽ പ്രവർത്തിക്കുന്ന ജി എസ് ടി രജിസ്ട്രേഡ് ആയിട്ടുള്ളവർക്ക് കോമ്പൗണ്ടിംഗ് Option- ലേക്ക് മാറുന്നതിനുള്ള അവസാന തീയതി ജൂലൈ 31 ലേക്ക് മാറ്റിയിരിക്കുന്നു. ( ചരക്കുകൾ കൈകാര്യം ചെയ്യുന്നവർക്ക് അല്ല)

സേവനം നൽകി വരുന്നതും ജി എസ് ടി രജിസ്ട്രേഷൻ ഉള്ളതും മുൻ സാമ്പത്തിക വർഷം 50 ലക്ഷത്തിൽ താഴെ ടേണോവർ ഉള്ളതുമായ ഡീലർമാർക്ക് ആണ് കോമ്പൗണ്ടിങ്ങിലേക്ക് മാറാവുന്നത്.

കോമ്പൗണ്ടിങ്ങിലേക്ക് മാറിക്കഴിഞ്ഞാൽ സേവനം സ്വീകരിക്കുന്നവരിൽ നിന്നും നികുതി ഈടാക്കാൻ പാടുള്ളതല്ല. കോമ്പൗണ്ടിംഗ് ടാക്സ് നിരക്ക് ആറു (6%) ശതമാനമാണ്. അത് സേവനങ്ങൾ സ്വീകരിക്കുന്നവരിൽ നിന്നും ഈടാക്കാതെ സ്വന്തം കയ്യിൽ നിന്നും നൽകേണ്ടതാണ്.

ഒരു ചെറിയ തെറ്റിദ്ധാരണ ഉണ്ടായേക്കാവുന്ന വിഷയം ഇതോടൊപ്പം എടുത്തുപറയുന്നു. 20 ലക്ഷം രൂപ വരെ വാർഷിക വിറ്റുവരവ് ഉള്ള സേവനദാതാക്കൾക്ക് ജി എസ് ടി രജിസ്ട്രേഷൻ ആവശ്യമില്ല. എന്നാൽ ചരക്കുകൾ കൈകാര്യം ചെയ്യുന്നവർക്ക് 40 ലക്ഷം വരെ ആണ് അടിസ്ഥാന ഒഴിവായി ഉള്ളത്.