ഇന്ത്യയിലെ വ്യവസായികൾക്ക് നിർബന്ധമായ ജിഎസ്ടി രജിസ്ട്രേഷൻ അപേക്ഷാ പ്രക്രിയ കൂടുതൽ സുതാര്യമാക്കുന്നതിനും, രേഖാപരിശോധനയിൽ ഉദ്യോഗസ്ഥർ പാലിക്കേണ്ട ഏകീകരിത മാനദണ്ഡങ്ങൾ ഉറപ്പാക്കുന്നതിനും, കേന്ദ്ര സർക്കാർ പുതിയ മാർഗ്ഗനിർദ്ദേശം പുറത്തിറക്കി. 2023-ലെ നിർദ്ദേശം റദ്ദാക്കി, 2025 ഏപ്രിൽ 17-ന് 03/2025-GST എന്ന നമ്പറിൽ പുതിയ നിർദ്ദേശമാണ് പുറപ്പെടുവിച്ചത്.

പ്രധാന ബിസിനസ് സ്ഥലത്തെ ഉടമസ്ഥത തെളിയിക്കുന്നതിനുള്ള രേഖകളുടെ പട്ടികയും, വാടകസ്ഥലമോ പങ്കിട്ട ഓഫിസായ കാര്യങ്ങളിൽ ആവശ്യമായ സത്യവാങ്മൂലങ്ങളുടെയും തിരിച്ചറിയൽ രേഖകളുടെയും കൃത്യമായ വിവരങ്ങളും പുതിയ നിർദ്ദേശത്തിൽ ഉൾപ്പെടുത്തിയിട്ടുണ്ട്. അനാവശ്യമായി ഫോട്ടോ അല്ലെങ്കിൽ അഡ്രസ്സ് ബിൽ അവതരിപ്പിക്കേണ്ട സാഹചര്യമില്ലെന്ന് കേന്ദ്ര സർക്കാർ വ്യക്തമാക്കിയിട്ടുണ്ട്.

രജിസ്ട്രേഷൻ അപേക്ഷകളുടെ നിർണ്ണായക ഘട്ടങ്ങളിൽ സമയപരിധികളും നിർബന്ധമാക്കിയിട്ടുണ്ട് — അപകടസാധ്യതയില്ലാത്ത അപേക്ഷകൾ 7 പ്രവൃത്തി ദിവസത്തിനും, ഫിസിക്കൽ വെരിഫിക്കേഷൻ ആവശ്യമായ കേസുകൾ 30 ദിവസത്തിനുമുള്ളിൽ തീർപ്പാക്കേണ്ടതാണ്. REG-03, REG-04, REG-05 എന്നീ ഫോമുകൾക്കുള്ള നിശ്ചിത സമയപരിധിയും വിശദമായി രേഖപ്പെടുത്തിയിട്ടുണ്ട്.

അപേക്ഷകർ നൽകിയ രേഖകൾ വായിക്കാൻ കഴിയാത്തതോ, വിലാസ വിവരങ്ങൾ പൊരുത്തപ്പെടാത്തതോ ആയ കേസുകളിൽ മാത്രം വിശദീകരണം ആവശ്യപ്പെടാമെന്നും, ഒഴിവാക്കാവുന്ന അനാവശ്യ ചോദ്യംചെയ്യലുകളും രേഖ ആവശ്യപ്പെടുത്തലുകളും ഒഴിവാക്കണമെന്നും നിർദേശത്തിൽ ബോധിപ്പിക്കുന്നു. ഉദ്യോഗസ്ഥരുടെ പ്രവർത്തനം മേൽനോട്ടം വഹിക്കാൻ ഉന്നത ഉദ്യോഗസ്ഥർക്കും നിർദേശം നൽകിയിട്ടുണ്ട്.

പുതിയ മാർഗ്ഗനിർദ്ദേശം പ്രകാരം, ജിഎസ്ടി രജിസ്ട്രേഷൻ അപേക്ഷകൾ വൈകാതെ തീർപ്പാക്കാനും രജിസ്ട്രേഷൻ ലഭിക്കാനുള്ള സമയപരിധിയിൽ വ്യക്തത വരുത്താനും നികുതിദായകർക്ക് വലിയ സഹായമാകും എന്നതാണ് പ്രതീക്ഷ.

ഇത്തരത്തിലുള്ള വാർത്തകൾക്ക് Tax Kerala നെ പിന്തുടരൂ. 

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... https://chat.whatsapp.com/HKekVcRCgOxETssUVNeury

ടാക്സ് കേരള വായിക്കൂ... വരിക്കാരാകു....