കൊച്ചി∙ സെലിബ്രിറ്റി മേക്കപ്പ് ആർട്ടിസ്റ്റുകളുടെ വീടുകളിലും സ്ഥാപനങ്ങളിലും സംസ്ഥാന വ്യാപകമായി റെയ്‌ഡ്. സംസ്ഥാന ജിഎസ്‌ടി ഇന്റലിജൻസ് വിഭാ​ഗമാണ് റെയ്‌ഡ് നടത്തുന്നത്. പരിശോധനയിൽ കോടികളുടെ നികുതി വെട്ടിപ്പ് കണ്ടെത്തിയതായാണ് വിവരം. 

സുമുഖൻ' എന്നർഥം വരുന്ന 'ഓപ്പറേഷൻ ഗുവാപ്പോ’ (operation guapo) എന്ന പേരിട്ടാണു പരിശോധന നടത്തിയത്. സംസ്ഥാനത്താകെ 50ഓളം കേന്ദ്രങ്ങളിലാണു പരിശോധന നടക്കുന്നത്. കഴിഞ്ഞ കുറച്ചു മാസങ്ങളായി ഈ സ്ഥാപനങ്ങളെയും വ്യക്തികളെയും സ്ഥാപനങ്ങളെയും വ്യക്തികളെയും സംസ്ഥാന ജിഎസ്‌ടി ഇന്റലിജൻസ് നിരീക്ഷിച്ചു വരികയായിരുന്നു. സംസ്ഥാന ചരക്ക് സേവനനികുതി വകുപ്പിന്റെ ഇന്റലിജൻസ്, എൻഫോഴ്സ്മെന്റ് ഡയറക്ടറേറ്റ് (ഇ.ഡി) വിഭാഗങ്ങൾ സംയുക്തമായാണ് ഓപ്പറേഷൻ നടത്തുന്നത്. കോടികളുടെ നികുതി വെട്ടിപ്പാണു പ്രാഥമികമായി കണ്ടെത്താൻ കഴിഞ്ഞത്.

കൃത്യമായ ബില്ലിങ് സംവിധാനമില്ലാതെ ഇടപാടുകാരിൽ നിന്നു ലക്ഷങ്ങൾ പ്രതിഫലം പറ്റുന്ന സെലിബ്രിറ്റി മേക്കപ്പ്ആർട്ടിസ്‌റ്റുകളുടെ വീടുകളിലും സ്‌ഥാപനങ്ങളിസും ജിഎസ്‌ടി ഇന്റലിജൻസ് വിഭാഗം പരിശോധന നടത്തിയത് . പ്രാഥമിക പരിശോധനയിൽ 32.51 കോടി രൂപയുടെ വെട്ടിപ്പു കണ്ടെത്തി. 1.24 കോടി രൂപ പിടിച്ചെടുത്തു

സേവന മേഖലകളിലെ വ്യാപകമായി നികുതിവെട്ടിപ്പ് ശ്രദ്ധയിൽപ്പെട്ടതിനെ തുടർന്നാണ് പരിശോധന. കൊച്ചി കേന്ദ്രമായുള്ള സെലിബ്രിറ്റി മേക്കപ്പ് ആർട്ടിസ്റ്റുകളെ കേന്ദ്രീകരിച്ചാണ് പ്രധാനമായും പരിശോധന നടക്കുന്നത്. റജിസ്ട്രേഷൻ ഇല്ലാതെയും വരുമാനം കുറച്ച് കാണിച്ചുമാണ് ഇവർ വെട്ടിപ്പ് നടത്തുന്നത്.

അഞ്ചു മാസമായി ഇവരിൽ പലരും ജിഎസ്ട‌ി ഇന്റലിജൻസി ന്റെ നിരീക്ഷണത്തിലായിരുന്നു. ഇവരുടെ ഇടപാടുകാരെയും രഹസ്യമായി കണ്ടു വിവരങ്ങൾ ശേഖരിച്ചിരുന്നു.

സാമ്പത്തിക-നികുതി ലോകത്തെ വാർത്തകളും വിശകലനങ്ങളും whatsapp വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... https://chat.whatsapp.com/G6uXw4w7ptK4LyPegRgWnC