തിരുവനന്തപുരം: സംസ്ഥാനത്തിന്റെ സാമ്പത്തിക വികസനം, നികുതി ഭരണസംവിധാനത്തിലെ പരിഷ്കാരങ്ങൾ, വ്യവസായ–വാണിജ്യ മേഖലയുടെ വളർച്ച എന്നിവ ലക്ഷ്യമിട്ട് തയ്യാറാക്കിയ 200 സമഗ്ര നിർദേശങ്ങൾ ടാക്സ് കേരള സംഘം മുഖ്യമന്ത്രിയുടെ ഓഫീസിന് സമർപ്പിച്ചു.

കേരള മുഖ്യമന്ത്രിയുടെ ഓഫീസിൽ നടന്ന ഉന്നതതല കൂടിക്കാഴ്ചയിൽ സംസ്ഥാനത്തിന്റെ സാമ്പത്തിക രംഗം കൂടുതൽ ശക്തിപ്പെടുത്തുന്നതിനും നികുതി ഭരണസംവിധാനം കാര്യക്ഷമമാക്കുന്നതിനുമായി തയ്യാറാക്കിയ വിശദമായ നിർദേശ റിപ്പോർട്ടാണ് കൈമാറിയത്. ജിഎസ്ടി ഭരണപരിഷ്കാരങ്ങൾ, നികുതി നിയമങ്ങളിലെ പ്രായോഗിക ബുദ്ധിമുട്ടുകൾ, ചെറുകിട–ഇടത്തരം സംരംഭങ്ങൾ നേരിടുന്ന വെല്ലുവിളികൾ, നിക്ഷേപ സൗഹൃദ അന്തരീക്ഷം സൃഷ്ടിക്കുന്നതിനുള്ള നടപടികൾ, സർക്കാർ വരുമാന വർധനയ്ക്കുള്ള സാധ്യതകൾ, ഡിജിറ്റൽ ഭരണസംവിധാനങ്ങളുടെ മെച്ചപ്പെടുത്തൽ തുടങ്ങിയ വിഷയങ്ങളാണ് റിപ്പോർട്ടിൽ പ്രധാനമായും ഉൾപ്പെടുത്തിയിട്ടുള്ളത്.

മുഖ്യമന്ത്രിയുടെ ഓഫീസിലെ പ്രൈവറ്റ് സെക്രട്ടറി ശ്രീ അനിൽകുമാർ, സ്പെഷ്യൽ പ്രൈവറ്റ് സെക്രട്ടറിമാരായ ശ്രീ വിനീത്, ശ്രീ ശ്രീകുമാർ എന്നിവർ കൂടിക്കാഴ്ചയിൽ പങ്കെടുത്തു. സമർപ്പിച്ച നിർദേശങ്ങൾ വിശദമായി പരിശോധിച്ച് ബന്ധപ്പെട്ട വകുപ്പുകളുടെ ശ്രദ്ധയിൽപ്പെടുത്തുമെന്നും ആവശ്യമായ തുടർനടപടികൾ പരിഗണിക്കുമെന്നും ഉദ്യോഗസ്ഥർ അറിയിച്ചു.

കൂടിക്കാഴ്ച ഏകോപിപ്പിക്കുകയും നിർദേശങ്ങൾ വിശദീകരിക്കുകയും ചെയ്തത് ടാക്സ് കേരള ചീഫ് എഡിറ്റർ അഡ്വ. വിപിൻ കുമാർ കെ.പി.യും സീനിയർ റിപ്പോർട്ടർ ദിലീപും ചേർന്നാണ്. സാമ്പത്തിക–നികുതി മേഖലയുമായി ബന്ധപ്പെട്ട പഠന റിപ്പോർട്ടുകൾ, നയപരിഷ്കാര നിർദേശങ്ങൾ, ഭരണപരമായ ശുപാർശകൾ എന്നിവയും മുഖ്യമന്ത്രിയുടെ ഓഫീസിന് കൈമാറി.

2016 മുതൽ നികുതി, സാമ്പത്തികം, ബിസിനസ്, നിയമം, ഭരണനിർവഹണം എന്നീ മേഖലകളിൽ ഗവേഷണാത്മക പഠനങ്ങളും റിപ്പോർട്ടുകളും പ്രസിദ്ധീകരിച്ചുവരുന്ന ടാക്സ് കേരള, സംസ്ഥാനത്തിന്റെ സാമ്പത്തിക പുരോഗതിക്കും നിക്ഷേപ സൗഹൃദ അന്തരീക്ഷം ശക്തിപ്പെടുത്തുന്നതിനുമായി ഇനിയും നിർമാണാത്മക ഇടപെടലുകൾ തുടരുമെന്ന് പ്രതിനിധികൾ അറിയിച്ചു.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/GoyrNUkoWKqKCcBMDDaJKw?mode=gi_t

ടാക്സ് കേരള വായിക്കൂ... വരിക്കാരാകൂ...