ഇ- ഫയലിംഗ് പോര്‍ട്ടലില്‍ നേരിടുന്ന നിരന്തരമായ പരാതികള്‍ ഉയര്‍ന്നതോടെ പുതിയ അറിയിപ്പുമായി ആദായ നികുതി ദായക വകുപ്പ്.
ഉപഭോക്താക്കളില്‍ നിന്നും നിരന്തരമായ പരാതികള്‍ ഉയര്‍ന്നതോടെ പുതിയ അറിയിപ്പുമായി ആദായ നികുതി ദായക വകുപ്പ്.
നികുതി ദായകര്‍ക്ക് ഇ- ഫയലിംഗ് പോര്‍ട്ടലില്‍ നേരിടുന്ന പ്രശ്നങ്ങള്‍ക്കാണ് പരിഹാരം കാണുന്നത്. നിലവില്‍, നിരവധി ട്രാഫിക് പ്രശ്നങ്ങളാണ് പോര്‍ട്ടലില്‍ റിപ്പോര്‍ട്ട് ചെയ്യപ്പെട്ടിട്ടുള്ളത്.
പോര്‍ട്ടിലിന്റെ നിര്‍മ്മാണവുമായി ബന്ധപ്പെട്ട കരാര്‍ ഏറ്റെടുത്തത് ഇന്‍ഫോസിസ് ആണ്. 2021 ജൂണ്‍ ഏഴാം തീയതിയാണ് ഈ പോര്‍ട്ടല്‍ പ്രവര്‍ത്തനമാരംഭിച്ചത്. എന്നാല്‍, ലോഞ്ച് ചെയ്ത മാസത്തില്‍ തന്നെ പോര്‍ട്ടലിനെതിരെ നിരവധി പരാതികളാണ് ഉയര്‍ന്നത്. ഏതാണ്ട് എട്ടു ദിവസത്തോളം സേവനങ്ങള്‍ പ്രവര്‍ത്തനരഹിതമായിരുന്നു.
പല സമയങ്ങളിലായി നിരവധി പ്രശ്നങ്ങളാണ് ഉപഭോക്താക്കള്‍ ഉന്നയിച്ചത്. ഇതോടെ, ഉപഭോക്താക്കള്‍ക്ക് നികുതി അടക്കുന്നതില്‍ കാലതാമസം നേരിട്ടിട്ടുണ്ട്. ഈ സാഹചര്യത്തിലാണ് അടിയന്തരമായി നടപടി സ്വീകരിക്കാന്‍ ഇന്‍ഫോസിസിനോട് ആദായ നികുതി വകുപ്പ് ആവശ്യപ്പെട്ടത്. റിപ്പോര്‍ട്ടുകള്‍ പ്രകാരം, തകരാറിലായ എല്ലാ സേവനങ്ങളും ഉടന്‍ പുനസ്ഥാപിക്കും
