തിരുവനന്തപുരം: മുഖ്യമന്ത്രിയുടെ ഓഫീസിൽ വൻതോതിലുള്ള പുനഃസംഘടന നടപ്പാക്കി സർക്കാർ. പൊതുഭരണ (സർവീസസ്-എഫ്) വകുപ്പ് പുറത്തിറക്കിയ സ.ഉ.(സാധാ) നമ്പർ 2552/2026/GAD ഉത്തരവുപ്രകാരം മുഖ്യമന്ത്രിയുടെ പുതിയ പേഴ്സണൽ സ്റ്റാഫ് അംഗങ്ങളെ നിയമിച്ചു. 2026 മേയ് 22-നാണ് ഉത്തരവ് പുറത്തിറങ്ങിയത്.

മുൻ അഡീഷണൽ സെക്രട്ടറിയായിരുന്ന ശ്രീകുമാർ ടി.യെ മുഖ്യമന്ത്രിയുടെ സ്പെഷ്യൽ പ്രൈവറ്റ് സെക്രട്ടറിയായി നിയമിച്ചു. കൊല്ലം കടയ്ക്കൽ സ്വദേശിനിയായ സീജി ജി.എസ്. മുഖ്യമന്ത്രിയുടെ പ്രസ് സെക്രട്ടറിയായും റോയ് മാത്യൂസിനെ മീഡിയ സെക്രട്ടറി ടു ചീഫ് മിനിസ്റ്ററായും നിയമിച്ചു.

മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറിമാരായി തിലകൻ കെ.പി.കെ, അനീഷ് എ., മോഹനചന്ദ്രൻ എം.എസ്. എന്നിവരെ നിയമിച്ചു. അതേസമയം ഫിനാൻസ്, അഗ്രികൾച്ചർ, നിയമ വകുപ്പ് ഉൾപ്പെടെയുള്ള വിവിധ സർക്കാർ വകുപ്പുകളിൽ സേവനമനുഷ്ഠിച്ചിരുന്ന പത്മകുമാർ എം., എബിമോൻ പി.എ., മനോജ് കുമാർ പി.എൻ., ജാഫർ ഖാൻ എസ്., ജയചന്ദ്രൻ എ., പ്രകാശ് ഒ.ടി. എന്നിവർ അസിസ്റ്റന്റ് പ്രൈവറ്റ് സെക്രട്ടറിമാരായി നിയമിതരായി.

മുഖ്യമന്ത്രിയുടെ ഓഫീസിലെ പേഴ്സണൽ അസിസ്റ്റന്റ്മാരുടെയും അഡീഷണൽ പേഴ്സണൽ അസിസ്റ്റന്റ്മാരുടെയും നിയമനവും ഉത്തരവിൽ ഉൾപ്പെടുത്തിയിട്ടുണ്ട്. വിനീത് ടി.സി.യെ പേഴ്സണൽ അസിസ്റ്റന്റായും എം.ബി. സുരേഷ് ബാബു, പ്രശാന്ത് എം.കെ., വി.കെ. കമറുദ്ദീൻ, ഹരിനാഥ് കെ. എന്നിവരെ അഡീഷണൽ പേഴ്സണൽ അസിസ്റ്റന്റ്മാരായും നിയമിച്ചു.

നിയമസഭാ സെക്രട്ടേറിയറ്റിലെ സെക്ഷൻ ഓഫീസറായ ജയകുമാർ എസ്. മുഖ്യമന്ത്രിയുടെ ഓഫീസിൽ സെക്ഷൻ ഓഫീസറായും ജോസഫ് ടി.ഡി., അഷിഫ് വി.ജെ. എന്നിവർ ക്ലാർക്കുമാരായും നിയമിതരായി.

വിവിധ സർക്കാർ വകുപ്പുകളിലെ പരിചയസമ്പന്നരായ ഉദ്യോഗസ്ഥരെയും വിരമിച്ച ഉദ്യോഗസ്ഥരെയും ഉൾപ്പെടുത്തിക്കൊണ്ടാണ് മുഖ്യമന്ത്രിയുടെ പുതിയ പേഴ്സണൽ സ്റ്റാഫ് രൂപീകരിച്ചിരിക്കുന്നത്. പുതിയ സർക്കാർ അധികാരമേറ്റതിന് പിന്നാലെ മുഖ്യമന്ത്രിയുടെ ഓഫീസിന്റെ പ്രവർത്തനം കൂടുതൽ കാര്യക്ഷമമാക്കുന്നതിനും ഭരണ ഏകോപനം ശക്തിപ്പെടുത്തുന്നതിനുമുള്ള നീക്കത്തിന്റെ ഭാഗമായാണ് പുതിയ നിയമനങ്ങളെന്നാണ് വിലയിരുത്തൽ.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/GoyrNUkoWKqKCcBMDDaJKw?mode=gi_t

ടാക്സ് കേരള വായിക്കൂ... വരിക്കാരാകൂ...