ഹോട്ടലുകൾക്കും വിതരണക്കാർക്കും നൽകുന്ന ഫ്രോസൺ മാംസം (പ്രീ-പാക്ക് ചെയ്തതും ലേബൽ ചെയ്തതുമായ) ജിഎസ്ടി ചുമത്തേണ്ടതാണെന്ന് തമിഴ്നാട് ജിഎസ്ടി അഡ്വാൻസ് റൂളിംഗ് അതോറിറ്റി (AAR) പ്രഖ്യാപിച്ചു. 2009 ലെ ലീഗൽ മെട്രോളജി ആക്ടിൽ പറയുന്ന പ്രകാരം, ഉപഭോക്താവിന്റെ സാന്നിധ്യമില്ലാതെ മുൻകൂട്ടി നിശ്ചയിച്ച അളവിൽ പാക്ക് ചെയ്ത ഉൽപ്പന്നങ്ങൾക്കാണ് ഈ വ്യവസ്ഥ ബാധകമാകുന്നത്. പാക്കേജിലെ എഴുത്തോ, അടയാളമോ, സ്റ്റാമ്പോ, പ്രിന്റിംഗോ ലേബലായി കണക്കാക്കപ്പെടും.

2022 ജൂലൈയിൽ പുറത്തിറങ്ങിയ പുതിയ വിജ്ഞാപനങ്ങൾ പ്രകാരം ഇത്തരം ഫ്രോസൺ മാംസത്തിന് 5% ജിഎസ്ടി ബാധകമാണ്. എന്നാൽ, ലീഗൽ മെട്രോളജി ചട്ടപ്രകാരം വ്യാവസായിക ഉപഭോക്താക്കളെയും സ്ഥാപന ഉപഭോക്താക്കളെയും  ‘ചില്ലറ വിൽപ്പനയ്ക്കല്ല’ എന്ന് പ്രഖ്യാപനമുള്ള പാക്കേജുകൾക്ക് ജിഎസ്ടി ഒഴിവാക്കാൻ സാധിക്കും. പക്ഷേ, ഫെയർമാക്‌സ് എന്ന കമ്പനിയുടെ കേസിൽ പാക്കേജുകളിൽ ഇത്തരം പ്രഖ്യാപനം ഇല്ലാതെ ‘സ്ഥാപന വിൽപ്പനയ്ക്ക് മാത്രം’ എന്ന രീതിയിൽ എഴുതിയതിനാൽ ജിഎസ്ടി ഇളവ് അനുവദിച്ചില്ല.

അതിനാൽ ഹോട്ടലുകൾക്കും വിതരണക്കാർക്കും നൽകുന്ന ഫ്രോസൺ മാംസിന് ജിഎസ്ടി ബാധകമാണ് എന്ന് എഎആർ വ്യക്തമാക്കി.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... https://chat.whatsapp.com/Hn3akPStYPY2b96R5PwoCK

ടാക്സ് കേരള വായിക്കൂ... വരിക്കാരാകു.....