ആൾ കേരള ജി എസ് ടി പ്രാക്ടീഷണേർസ് അസോസിയേഷനും സ്കൂൾ ഓഫ് ഫിനാൻഷ്യൽ അക്കൗണ്ടന്റും ചേർന്ന് അക്കൗണ്ട്സ് മേഖലയിൽ പ്രവർത്തിക്കുന്നവർക്കയി ജി എസ് ടി യിലെ ആനുവൽ റിട്ടേൺ ഫയൽ ചെയ്യുന്നതിനെ കുറിച്ചും പുതുതായി വന്ന മാറ്റങ്ങളെ കുറിച്ചും സെമിനാർ നടത്തി.

ആൾ കേരള ജിസ്ടി പ്രാക്ടീഷണേർസ് അസോസിയേഷൻ പ്രസിഡൻറ് ശ്രീ ബാലകൃഷ്ണൻ പി എ ഉദ്ഘാടനം ചെയ്ത പഠന ക്ലാസിന് നേതൃത്വം നൽകിയത് പ്രശസ്ത ചാർട്ടേഡ് അക്കൗണ്ടൻറ് മാരായ വേണുഗോപാൽ സിയും, സിറിജോ വി. ജെയും ചേർന്നാണ് . പ്രശസ്ത ഹൈക്കോടതി അഡ്വക്കേറ്റ് ശ്രീ ഹരിഹരൻ കെ എസ്, എസ് ജി എസ് ടി ഡിപ്പാർട്ട്മെൻറ് ഉദ്യോഗസ്ഥൻമാരായ അനിൽകുമാർ കെ എസ്, ഗിരീഷ് തുടങ്ങിയ പാനൽ പഠനക്ലാസ് സംശയങ്ങൾ ദൂരീകരിച്ചു.

ജി എസ് ടി തുടങ്ങിയ കാലം മുതൽ ഇന്നേവരെ ജി എസ് ടി യുടെ സാങ്കേതിക തകരാറുകൾ പരിഹരിക്കാൻ കഴിയാത്തവിധത്തിൽ തുടരുന്ന സാഹചര്യത്തിൽ പുതിയ ഗവൺമെൻറ് ജി എസ് ടി നെറ്റ്‌വർക്ക്‌ ഏറ്റെടു ക്കാൻ വേണ്ട നടപടികൾ സ്വീകരിക്കണമെന്ന് അസോസിയേഷൻ പ്രമേയത്തിലൂടെ ആവശ്യപ്പെട്ടു

അസോസിയേഷൻ സ്റ്റേറ്റ് സെക്രട്ടറി ശ്രീ വിപിൻ കുമാർ, വൈസ് പ്രസിഡണ്ടും സ്കൂൾ ഓഫ് ഫിനാൻഷ്യൽ അക്കൗണ്ടൻറ് ചെയർമാനുമായ ശ്രി ജേക്കബ് സന്തോഷ്, സ്റ്റേറ്റ് ട്രഷറർ ജോസഫ് പോൾ, സ്റ്റേറ്റ് കമ്മിറ്റി മെമ്പർ ദിവ്യ തുടങ്ങിയവർ സംസാരിച്ചു.

നൂറിലധികം മെമ്പർമാരുടെ സംശയങ്ങൾ തീർക്കാനും ആനുവൽ റിട്ടേൺ ഫയൽ ചെയ്യാൻ മനസിലാക്കാനും കഴിയുകയുംവിധം സെമിനാർ സഘടിപ്പിച്ച അസോസിയേഷനേയും സ്പോൺസർമാരായ ടാലി , ഡ്യൂ ഡ്രെവ് തുടങ്ങിയവർക്ക് ജോയിൻ സെക്രട്ടറി ശ്രി ജിൻസ് ഡാനിയേൽ നന്ദി പറഞ്ഞു