പട്ടികജാതി, പട്ടികവർഗ വിദ്യാർഥികൾക്കായി സർക്കാർ തലത്തിൽ പലതരം സഹായ പദ്ധതികളും ഉണ്ട്

സ്കൂൾ വിദ്യാഭ്യാസം

• പട്ടികജാതി, പട്ടികവർഗ വകുപ്പ് നടത്തുന്ന 90 നഴ്സറി സ്കൂളുകൾ. 
• അഞ്ചാം ക്ലാസ് മുതലുള്ളവർക്കായി 9 മോഡൽ റസിഡൻഷ്യൽ സ്കൂളുകൾ. അഡ്മിഷൻ സംസ്ഥാന തല പ്രവേശനപരീക്ഷ വഴി.
• സ്കൂൾ കാലത്ത് എല്ലാ വിദ്യാർഥികൾക്കും ലംപ്സം ഗ്രാന്റ്. അൺ എയ്ഡഡ് സ്കൂളുകളിലെങ്കിൽ ട്യൂഷൻ ഫീ.
• ഒന്നു മുതൽ 4 വരെ ക്ലാസുകളിലേക്ക് യൂണിഫോം, കുട, ബാഗ് എന്നിവയ്ക്കായി വർഷം 2000 രൂപ.
• പ്രീമെട്രിക് ഹോസ്റ്റലുകളിൽ അഞ്ചാം ക്ലാസ് മുതൽ  പ്രവേശനം. 
• കായിക മികവുള്ളവർക്കായി തിരുവനന്തപുരം വെള്ളായണിയിൽ അയ്യങ്കാളി മെമ്മോറിയൽ റസിഡൻഷ്യൽ സ്കൂൾ.

കോളജ് വിദ്യാഭ്യാസം

• പ്രഫഷനൽ കോഴ്സുകൾക്ക് ഉൾപ്പെടെ സ്റ്റൈപൻഡും ലംപ്സം ഗ്രാന്റും. 
• 17 പോസ്റ്റ് മെട്രിക് ഹോസ്റ്റലുകൾ. 
• സർക്കാർ/ സ്വകാര്യ കോളജുകളിലെ ഹോസ്റ്റലുകളിൽ താമസിക്കുന്ന വിദ്യാർഥികൾക്കു ധനസഹായം.
• അവസാനവർഷ പരീക്ഷകൾക്കു മികച്ച വിജയം നേടുന്ന വിദ്യാർഥികൾക്കു കാഷ് അവാർഡുകൾ. 

സ്കോളർഷിപ്, ധനസഹായം

• മികച്ച പ്രകടനം നടത്തുന്ന സ്കൂൾ വിദ്യാർഥികൾക്കു വർഷം 4500 രൂപ വീതം അയ്യങ്കാളി ടാലന്റ് സെർച് സ്കോളർഷിപ്.
• മികച്ച പ്രകടനം നടത്തുന്ന ബിരുദ വിദ്യാർഥികൾക്ക് ക്ഷേത്രപ്രവേശന വിളംബര സ്മാരക സ്കോളർഷിപ്.
• മെഡിക്കൽ, എൻജിനീയറിങ് എൻട്രൻസ് കോച്ചിങ്ങിന് 20,000 രൂപ ധനസഹായം.
• മെഡിക്കൽ, എൻജിനീയറിങ് കോഴ്സുകളിൽ ചേരുമ്പോഴുള്ള ചെലവുകൾക്കായി ധനസഹായം.
• മറ്റു സംസ്ഥാനങ്ങളിലും വിദേശത്തും പഠിക്കാൻ ധനസഹായം. 

പരിശീലന കേന്ദ്രങ്ങൾ

• തിരുവനന്തപുരം, ആലുവ, കോഴിക്കോട്, പാലക്കാട് എന്നിവിടങ്ങളിൽ പിഎസ്‌സി ഉൾപ്പെടെയുള്ള മൽസരപ്പരീക്ഷകൾക്കു സഹായിക്കാൻ പ്രീ എക്സാമിനേഷൻ ട്രെയിനിങ് സെന്ററുകൾ.
• സിവിൽ സർവീസ് അക്കാദമിയിൽ പ്രവേശനം ലഭിക്കുന്നവർക്കു സൗജന്യ പഠനം. മാസം 6000 രൂപ സ്കോളർഷിപ്. 
• തൊഴിൽ പരിശീലനം നൽകാൻ എറണാകുളത്തും കോഴിക്കോട്ടും കോച്ചിങ് കം ഗൈഡൻസ് സെന്റർ.
• എല്ലാ ജില്ലാ എംപ്ലോയ്മെന്റ് എക്സ്ചേഞ്ചുകളുടെയും കീഴിൽ പരിശീലന പരിപാടികൾ.

കൂടുതൽ വിവരങ്ങൾ ഔദ്യോഗിക വെബ്സൈറ്റുകളിൽ: 

www.scdd.kerala.gov.in

www.stdd.kerala.gov.in 

പട്ടികജാതി വകുപ്പ് ഡയറക്ടറേറ്റ്: 1</b>800 425 5373 (ടോൾഫ്രീ), 0471 2737276

പട്ടികവർഗ വകുപ്പ് ഡയറക്ടറേറ്റ്</b>: 1800 425 2312 (ടോൾഫ്രീ), 0471 2304594

അതതു ജില്ലാ ഓഫിസുകളുടെ ഫോൺ നമ്പറുകളും വെബ്സൈറ്റിൽ ലഭ്യം.