ജി.എസ്.ടി Composition Scheme പദ്ധതി തിരഞ്ഞെടുക്കാം: അവസരം ഫെബ്രുവരി 4 മുതൽ മാർച്ച് 31 വരെ: കുറഞ്ഞ നികുതി ബാധ്യത, ലളിതമായ റിട്ടേൺ സമർപ്പിക്കൽ
തിരുവനന്തപുരം: ചെറുകിട വ്യാപാരികൾക്കും സംരംഭകർക്കുമുള്ള ജി.എസ്.ടി. സംയോജിത നികുതി (Composition Scheme) പദ്ധതിയിലേക്ക് മാറാനുള്ള അവസരം വരുന്നു. 2025-26 സാമ്പത്തിക വർഷത്തിനായി ഫെബ്രുവരി 4 മുതൽ മാർച്ച് 31 വരെ ഈ പദ്ധതി തിരഞ്ഞെടുക്കാൻ കഴിയും. ജി.എസ്.ടി. പോർട്ടലിൽ ഫോമ് CMP-02 സമർപ്പിച്ചാൽ സംയോജിത നികുതി സംവിധാനത്തിലേക്ക് മാറാം.
സംയോജിത നികുതി പദ്ധതിയുടെ പ്രധാന പ്രത്യേകതകൾ:
✅ കുറഞ്ഞ നികുതി നിരക്ക്: സാധാരണ ജി.എസ്.ടി. നിരക്കിനെ അപേക്ഷിച്ച് വളരെ കുറവ് നികുതി നൽകാം.
✅ ഇൻപുട്ട് ടാക്സ് ക്രെഡിറ്റ് ലഭ്യമല്ല: ഈ പദ്ധതി തെരഞ്ഞെടുക്കുന്നവർക്ക് ഇൻപുട്ട് ടാക്സ് ക്രെഡിറ്റ് (ITC) ലഭിക്കില്ല.
✅ നിശ്ചിത പരിധിയിലുള്ള സേവന ദാതാക്കൾക്കും അപേക്ഷിക്കാം: ഓട്ടോ ഗാരേജുകൾ, ഹോം ഡെലിവറി സേവനങ്ങൾ, ചെറിയ റസ്റ്റോറന്റുകൾ തുടങ്ങിയവയ്ക്കും ഈ പദ്ധതിയുടെ ആനുകൂല്യം ലഭിക്കും.
✅ ഫോമിന്റെ അവസാന തീയതി: മാർച്ച് 31ന് മുൻപായി CMP-02 സമർപ്പിക്കാത്തവർക്കു 2025-26 വർഷത്തിനായി ഈ പദ്ധതിയിലേക്ക് പ്രവേശിക്കാനാകില്ല.
ഈ പദ്ധതിയിലൂടെ ചെറിയ വ്യാപാരികൾക്ക് ലളിതമായ നികുതി സംവിധാനത്തിൽ പ്രവേശിക്കാം. ഒരുപാട് രേഖകളില്ല, കുറഞ്ഞ നികുതി ബാധ്യത, ലളിതമായ റിട്ടേൺ സമർപ്പിക്കൽ എന്നിവയെല്ലാം ഈ പദ്ധതി ആകർഷകമാക്കുന്നു.
നികുതി ബാധ്യത കുറയ്ക്കാനും തങ്ങൾക്കനുവണമായ സംവിധാനം തിരഞ്ഞെടുക്കാനും ഫെബ്രുവരി 4 മുതൽ മാർച്ച് 31 വരെ ലഭ്യമാകുന്ന ഈ അവസരം പരമാവധി പ്രയോജനപ്പെടുത്തണമെന്ന് ജി.എസ്.ടി. വകുപ്പ് നിർദേശിക്കുന്നു.
സാമ്പത്തിക-നികുതി ലോകത്തെ വാർത്തകളും വിശകലനങ്ങളും whatsapp വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ...
