തിരുവനന്തപുരം: ലോക പരിസ്ഥിതി ദിനാചരണത്തിന്റെ ഭാഗമായി സംസ്ഥാന ചരക്ക് സേവന നികുതി വകുപ്പിന്റെ ആസ്ഥാനമായ ടാക്സ് ടവർ അങ്കണത്തിൽ വൃക്ഷത്തൈ നട്ടു. സംസ്ഥാന ജിഎസ്ടി കമ്മീഷണർ ശ്രീ. പി. ബി. നൂഹ്, ഐ.എ.എസ്. പരിപാടി ഉദ്ഘാടനം ചെയ്ത് വൃക്ഷത്തൈ നട്ടു.

ചടങ്ങിൽ അഡീഷണൽ കമ്മീഷണർ ശ്രീ. മുഹമ്മദ് ഷഫീക്ക്, ഐ.എ.എസ്., അഡീഷണൽ കമ്മീഷണർ–I ശ്രീമതി ചിപ്പി ജയൻ എന്നിവർ പങ്കെടുത്തു. വകുപ്പിലെ മറ്റ് ഉദ്യോഗസ്ഥരും ജീവനക്കാരും ചടങ്ങിൽ സന്നിഹിതരായി.

പരിസ്ഥിതി സംരക്ഷണത്തിന്റെ പ്രാധാന്യം ഉയർത്തിക്കാട്ടുന്നതിന്റെ ഭാഗമായി സംഘടിപ്പിച്ച പരിപാടിയിൽ വൃക്ഷത്തൈ നടീൽ പ്രവർത്തനങ്ങൾക്കൊപ്പം പരിസ്ഥിതി സംരക്ഷണ സന്ദേശവും പങ്കുവെച്ചു.

തുടർന്ന് വകുപ്പിലെ ജീവനക്കാരുടെ കൂട്ടായ്മയായ ‘സമത’യുടെ നേതൃത്വത്തിൽ ടാക്സ് ടവർ പരിസരത്ത് ശുചീകരണ പ്രവർത്തനങ്ങളും സംഘടിപ്പിച്ചു. ഓഫീസും പരിസരവും ശുചിയാക്കുന്നതിലൂടെ പരിസ്ഥിതി സംരക്ഷണത്തിൽ ഓരോരുത്തരും തങ്ങളുടെ പങ്ക് നിർവഹിക്കേണ്ടതിന്റെ ആവശ്യകത പരിപാടിയിൽ പങ്കെടുത്തവർ ഓർമ്മിപ്പിച്ചു.

ലോക പരിസ്ഥിതി ദിനത്തോടനുബന്ധിച്ച് സംസ്ഥാന ജിഎസ്ടി വകുപ്പ് സംഘടിപ്പിച്ച പരിപാടികൾ ജീവനക്കാരുടെ സജീവ പങ്കാളിത്തത്തോടെയാണ് നടന്നത്.

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/GoyrNUkoWKqKCcBMDDaJKw?mode=gi_t

ടാക്സ് കേരള വായിക്കൂ... വരിക്കാരാകൂ...