തിരുവനന്തപുരം : സംസ്ഥാന ജി എസ് ടി വകുപ്പ് സമഗ്രമായി പുനഃസംഘടിപ്പിക്കാൻ സർക്കാർ തീരുമാനിച്ചു. ജി എസ് ടി നടപ്പാലാക്കിയപ്പോൾ തന്നെ ആലോചിക്കുകയും കഴിഞ്ഞ ബജറ്റിൽ പ്രഖ്യാപിക്കുകയും ചെയ്തു എങ്കിലും, പല കാരണങ്ങളാൽ ഇത് നീളുകയായിരുന്നു. നികുതി വെട്ടിപ്പ് പെരുകുകയും സർക്കാരിൻറെ നികുതിവരുമാനം പ്രതീക്ഷയ്ക്കൊത്ത് ഉയരാതെ ഇരിക്കുകയും ചെയ്യുന്നത് കണക്കിലെടുത്താണ് പുനസംഘടന ധനവകുപ്പ് അനുമതി നൽകുന്നത്. വൈകാതെ മന്ത്രിസഭയും അംഗീകാരം നൽകും. 

പുന സംഘടനയുടെ ഭാഗമായി പുതിയ ഓഡിറ്റ് വിഭാഗം രൂപീകരിച്ച് 750 ഉദ്യോഗസ്ഥരെ അതിൽ വിന്യസിക്കും. ഇൻറലിജൻസ് വിഭാഗത്തിനു മുൻതൂക്കം നൽകും. ജി എസ് ടി വരുമാനം പ്രതീക്ഷിച്ചതുപോലെ ഉയരാത്തതിന് ഒരു കാരണം നികുതി ചോർച്ച ആണെന്ന് വിലയിരുത്തലാണ് ധനവകുപ്പിനുള്ളത്. ചോർച്ച കണ്ടെത്താൻ ഓഡിറ്റിങ്ങിന് കൂടുതൽ പ്രാധാന്യം നൽകും. 

ഓഡിറ്റ് വിഭാഗത്തിലെ പുതിയ ഉദ്യോഗസ്ഥർക്ക് ജി എസ് ടി റിട്ടേൺ ഓഡിറ്റ് ചെയ്യുന്നതിനുള്ള പരിശീലനം നൽകും. അങ്ങനെ നികുതിവെട്ടിപ്പും കുടിശ്ശികയും കണ്ടെത്താൻ കഴിയും. സ്ക്വാഡുകൾ വാഹനങ്ങളെ പിന്തുടർന്ന് പിടിക്കുന്നതിനു പകരം ഇൻറലിജൻസ് സംവിധാനം ശക്തമാക്കും. Ewaybill ഇൻറെ കൃത്യമായ പരിശോധന വഴിയും വെട്ടിപ്പ് തടയും. കൂടുതലും സർവീസ് മേഖലയിലും , റിട്ടേൺ ഫയൽ  ചെയ്യാത്തവരെയും കണ്ടെത്താനുള്ള പരിശോധന ശക്തമാക്കും. 

ടാക്സ് കേരളയും ധനകാര്യ മന്ത്രി ശ്രീ. ബാലഗോപാലുമായി വിശദമായ ചർച്ചയെ തുടർന്ന്, നികുതി വരുമാനം വർധിപ്പിക്കാൻ അവശ്യമായ നിർദേശങ്ങൾ സമർപ്പിച്ചു. ചടങ്ങിൽ ടാക്സ് കേരള ചീഫ് എഡിറ്റർ വിപിൻ കുമാർ,  സീനിയർ റിപ്പോർട്ടർ ശ്രീ. അജിത്ത് കുമാർ, കേരള ഇൻഡസ്ട്രിസ് ജനറൽ മാനേജർ ശ്രീ. ശിവകുമാർ എന്നിവർ പങ്കെടുത്തു. തുടർന്ന് തൊഴിൽ, വിദ്യാഭാസ മന്ത്രി ശ്രീ. ശിവൻകുട്ടി, വ്യവസായ വകുപ്പ് മന്ത്രി ശ്രീ. പി.രാജീവ്, സംസ്ഥാന കര കൗശല വികസ കോർപ്പറേഷൻ ചെയർമാൻ ശ്രീ. രാമഭദ്രൻ എന്നിവരുമായി ചർച്ച നടത്തുകയും ചെയ്തു.