സഹകരണ മേഖല കേന്ദ്രീകരിച്ച് നടക്കുന്ന അടുത്ത തട്ടിപ്പിലെ കണ്ണി അറസ്റ്റിലായിരിക്കുന്നു. ഇടുക്കി ഡീലേഴ്സ് കോ-ഓപ്പറേറ്റീവ് സൊസൈറ്റിയിലെ(idukki-dealers-cooperative-society) സാമ്പത്തിക തട്ടിപ്പിൽ ഇതേ സൊസൈറ്റിയുടെ സെക്രട്ടറിയായ എൻ.പി.സിന്ധുവാണ്‌ അറസ്റ്റിലായത്. സൊസൈറ്റിയുടെ കുമിളി ബ്രാഞ്ചിലെ സാമ്പത്തിക തട്ടിപ്പിൽ പങ്കുണ്ടെന്ന കണ്ടെത്തലിലാണ് ക്രൈംബ്രാഞ്ച് സെക്രട്ടറി എൻ.പി.സിന്ധുവിനെ അറസ്റ്റ് ചെയ്തത്. കുമളി ശാഖയിൽ നടന്ന ഒരു കോടി ഇരുപത്തിയെട്ട് ലക്ഷം രൂപയുടെ തിരിമറിയിൽ ഇവർക്ക് പങ്കുണ്ടെന്നാണ് കണ്ടെത്തൽ.

സ്ത്രീകൾ ആയ സ്റ്റാഫ് പൊലും ഇത്തരം സഹകരണ തട്ടിപ്പുകളിൽ പ്രതികളാകുന്നു അറസ്റ്റിലാകുന്നു എന്നത് ഗൗരവതരമാണ്‌. സൊസൈറ്റിയുടെ സിക്രട്ടറിയായ സ്ത്രീ എൻ.പി.സിന്ധുവിനെ അറസ്റ്റ് ചെയ്തതതോടെ തട്ടിപ്പിന്റെ ആഴം കൂടുകയാണ്‌.കുമളി ശാഖയിൽ നടന്ന ഒരു കോടി ഇരുപത്തിയെട്ട് ലക്ഷം രൂപയുടെ തിരിമറിയിൽ ഇവർക്ക് പങ്കുണ്ടെന്നാണ് കണ്ടെത്തൽ. പുതിയ ഭരണ സമിതി അധികാരമേറ്റെടുത്ത ശേഷം നടത്തിയ പ്രാഥമിക പരിശോധനയിൽ ലക്ഷങ്ങളുടെ തിരിമറി കണ്ടെത്തിയിരുന്നു. തുടർന്ന് ഭരണ സമിതി നൽകിയ പരാതിയിൽ കുമളി പൊലീസ് എഫ്ഐആർ രജിസ്റ്റർ ചെയ്ത കേസ് പിന്നീട് ക്രൈംബ്രാഞ്ച് ഏറ്റെടുക്കുകയായിരുന്നു.

കേസിൽ ബാങ്കിന്റെ മുൻ മാനേജർ ചക്കുപള്ളം തുണ്ടത്തിൽ വൈശാഖ് മോഹനനെ മുൻപ് തന്നെ ക്രൈംബ്രാഞ്ച് അറസ്റ്റു ചെയ്തിരുന്നു. സാമ്പത്തിക തട്ടിപ്പുകളിൽ സെക്രട്ടറിക്കും പങ്കുണ്ടെന്നാണ് ക്രൈംബ്രാഞ്ചിന്റെ കണ്ടെത്തൽ. ഇതോടൊപ്പം വ്യാജപ്പേരിൽ ചിട്ടി ചേർന്ന് ലക്ഷക്കണക്കിന് രൂപയുടെ തിരിമറി നടത്തിയതായും കണ്ടെത്തിയതിനെ തുടർന്നാണ് ഇപ്പോഴത്തെ അറസ്റ്റ്. ക്രമക്കേടുകളിൽ ഭരണസമിതി അംഗങ്ങളുടെ ഇടപെടലിനെ കുറിച്ചും ക്രൈം ബ്രാഞ്ച് അന്വേഷണം പുരോഗമിക്കുകയാണ്.