ജിഎസ്ടി നിയമത്തിൽ പലിശ ഈടാക്കൽ സംബന്ധിച്ച സുപ്രധാനമായ നിയമവ്യാഖ്യാനമാണ് ജാർഖണ്ഡ് ഹൈക്കോടതി 2020 ഏപ്രിൽ 21ന് മഹാദേവോ കൺസ്ട്രക്ഷൻ കമ്പനി വേഴ്സസ് യൂണിയൻ ഓഫ് ഇന്ത്യ കേസിൽ നൽകിയത്. സെക്ഷൻ 50 പ്രകാരം പലിശ liability സ്വതവേയുള്ളതാണെങ്കിലും, അത് ചോദ്യം ചെയ്യുന്ന അസസ്സിക്കെതിരെ അഡ്ജൂഡിക്കേഷൻ നടപടികളില്ലാതെ മറ്റ് നടപടികളിൽ കടക്കാനാകില്ലെന്ന് ഹൈക്കോടതി ഉത്തരവിട്ടു. എന്നാൽ ഈ വിധിക്കെതിരെ കേന്ദ്ര സർക്കാർ 2021-ൽ സുപ്രീംകോടതിയിൽ SLP (8370/2021) സമർപ്പിച്ചിരിക്കുകയാണ്. നിലവിൽ സ്റ്റേ ഇല്ലാത്തതിനാൽ ഹൈക്കോടതിയുടെ വിധി ഇപ്പോഴും ബൈൻഡിംഗാണ്.

കേസിന്റെ പശ്ചാത്തലത്തിൽ, മഹാദേവോ കൺസ്ട്രക്ഷൻ ഫെബ്രുവരി, മാർച്ച് 2018 മാസങ്ങളിലെ GSTR-3B റിട്ടേൺ ഫയൽ ചെയ്തത് GSTN പോർട്ടലിൽ പ്രത്യക്ഷപ്പെട്ട അവസാന തീയതിയായ മാർച്ച് 31, 2019 നകമായിരുന്നു. എന്നാൽ GSTR ഫയലിംഗിൽ വൈകിയെന്നാരോപിച്ച് ജിഎസ്ടി വകുപ്പ് ₹19,59,721 പലിശ നോട്ടീസ് നൽകി, പിന്നീട് സെക്ഷൻ 79 പ്രകാരം ബാങ്ക് അക്കൗണ്ട് മരവിപ്പിക്കുകയും ചെയ്തു. ഇത് ചോദ്യം ചെയ്താണ് ഹൈക്കോടതിയിൽ ഹർജി.

കോടതിയുടെ നിരീക്ഷണത്തിൽ, പലിശ liability section 50 പ്രകാരം സ്വതവേയുള്ളതായിരുന്നെങ്കിലും, അതിന്റെ കണക്കുകൂട്ടൽ, ഉത്തരവാദിത്വം, പ്രതിരോധാവകാശം എന്നിവയ്ക്ക് നിയമപരമായ വിധേയത്വം വേണമെന്നും, അതിനാൽ section 73 / 74 പ്രകാരം അജൂഡിക്കേഷൻ പൂർത്തിയാക്കിയതിനു ശേഷം മാത്രമേ recovery നടപടികൾക്ക് പ്രവേശിക്കാനാകൂ എന്നും വ്യക്തമാക്കിയിരുന്നു. GSTN പോർട്ടലിൽ തീയ്യതി ശരിയായ നിലയിൽ കാണിച്ച സാഹചര്യവും ഇതിന് സഹായകമായി.

ഇതേ തുടർന്നാണ് 2024 ഒക്‌ടോബർ 15ന് കേന്ദ്ര സർക്കാരിന്റെ CBIC വഴി Circular No. 238/32/2024-GST പുറത്തിറക്കിയത്. ഇതിലുപരി കേരളത്തിൽ Circular No. 8/2025-Kerala SGST (28.03.2025) പ്രകാരമുള്ള നിർദ്ദേശങ്ങളും പുറത്തിറങ്ങി. ഇക്കാര്യങ്ങളിൽ പ്രധാനമായും പറയുന്നത്:

Delayed GSTR-3B filing, mismatch reporting, മുതലായവ self-assessed liability ആയി കണക്കാക്കി Section 75(12) പ്രകാരം നേരിട്ട് പലിശ ഈടാക്കാവുന്നതാണ്.

പക്ഷേ, അസസ്സി പലിശ തുക ചോദ്യം ചെയ്താൽ, അതിന് മുമ്പ് Section 73 പ്രകാരമുള്ള Show Cause Notice, Hearing, Adjudication എന്നീ ഘട്ടങ്ങൾ നിർബന്ധമാണ്.

ഇതിന് പുറമെ, Section 79 പ്രകാരമുള്ള ബാങ്ക് മരവിക്കൽ പോലുള്ള recovery നടപടികൾക്ക്, തുക "payable under the Act" ആയി മാറേണ്ടത് adjudication പൂർത്തിയായശേഷമാണെന്നും സ്പഷ്ടം.

2024-ലെ സർക്കുലറുകൾ വിവിധ സാഹചര്യങ്ങളിൽ സെക്ഷൻ 128A പ്രകാരമുള്ള പലിശ/പിഴ ഇളവിന് അർഹത ഇല്ലാത്ത കേസുകളും നിർദ്ദേശിക്കുന്നു – പ്രത്യേകിച്ച് mismatch/late filing പിഴവുകൾക്കെതിരെയുള്ള തുകകൾക്ക് ഇളവ് ബാധകമല്ല.

ഇത്തരം കേസുകളിൽ, വിധിയുണ്ടായതിനു മുൻപ് തുടങ്ങിയ section 73 recovery നടപടികൾ ന്യായീകരിക്കാൻ കഴിയില്ലെന്ന് വ്യക്തമാക്കുന്നതോടെയാണ്, ജാർഖണ്ഡ് ഹൈക്കോടതി വിധിയുടെ പ്രാധാന്യം നിലനിൽക്കുന്നത്. അതേസമയം, സുപ്രീംകോടതിയിലെ അപ്പീലിൽ തീരുമാനം വരുന്നതുവരെ ഈ ഹൈക്കോടതി വിധി binding ആയി തുടരുന്നു.

മൊത്തത്തിൽ, മഹാദേവോ കൺസ്ട്രക്ഷൻ കേസ്, 2024-ലെ സർക്കുലറുകൾ, സെക്ഷൻ 75(12) വ്യാഖ്യാനങ്ങൾ തുടങ്ങിയവ ചേർന്ന്, ജിഎസ്ടിയിൽ പലിശ ഈടാക്കലുമായി ബന്ധപ്പെട്ട നിയമപരമായ തെളിമ ഉറപ്പുവരുത്തുന്ന ദിശയിലേക്കാണ് നീങ്ങുന്നത്. വിവിധ അസസ്സിമെന്റുകൾക്കിടയിലുണ്ടാവുന്ന നിയമവിചാരണങ്ങൾ ഏകോപിപ്പിക്കുകയും, അസസ്സികളുടെ പ്രതിരോധാവകാശം സംരക്ഷിക്കുകയും ചെയ്യുന്നതിൽ ഈ നിയമവ്യാഖ്യാനങ്ങൾ നിർണായകമാണ്.

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... https://chat.whatsapp.com/HKekVcRCgOxETssUVNeury

ടാക്സ് കേരള വായിക്കൂ... വരിക്കാരാകു...