ബാങ്കിങ് മേഖലയിൽ പുത്തൻ ഉണർവേകി അനുഗ്രഹ നിധി കമ്പനി.

എറണാകുളം ആലങ്ങാട് പഞ്ചായത്തിലെ ചിറയം കേന്ദ്രീകരിച്ച് ESSS (എറണാകുളം സോഷ്യൽ സർവ്വീസ് സൊസൈറ്റിയുടെ) കീഴിൽ കഴിഞ്ഞ 16 വർഷമായി പ്രവർത്തിച്ചുവരുന്ന അനുഗ്രഹ സ്വയം സഹായ സംഘം ബാങ്കിങ് മേഖലയിൽ പുത്തൻ ഉണർവേകി അനുഗ്രഹ നിധി കമ്പനി രൂപീകരിച്ച് പ്രവർത്തനം ആരംഭിച്ചു.

ചെറുകിട സ്ഥാപനങ്ങൾ, കർഷകർ, മറ്റ് മേഘലകളിൽ പ്രവർത്തിക്കുന്നവർക്ക്
ബാങ്കിങ്/സാമ്പത്തിക കാര്യങ്ങളിൽ വേണ്ട മാർഗനിർദേശങ്ങൾ നൽകുന്നതോടൊപ്പം വസ്തു നികുതി, കെട്ടിട നികുതി, ഫോൺ ബിൽ, വൈദ്യുതി ബില്ല് തുടങ്ങിയ സൗകര്യങ്ങൾ സൗജന്യമായി digital payment ഇതോടൊപ്പം ഈ കൂട്ടായ്മ നൽകുന്നു.

കേന്ദ്ര സർക്കാരിന്റെ നിയന്ത്രണങ്ങൾക്ക് വിധേയമായി കമ്പനി നിയമപ്രകാരം രജിസ്റ്റർ ചെയ്തു പ്രവർത്തനം ആരംഭിക്കുന്ന ഈ ബാങ്കിങ് സംവിധാനം പ്രദേശത്തെ സമഗ്രമായ വികസനത്തിന് ആക്കം കൂട്ടും എന്ന കാര്യത്തിൽ സംശയമില്ല എന്ന്
സംഘം പ്രസിഡന്റ് ശ്രീ. സാലസ് ജോർജിന്റെ അധ്യക്ഷതയിൽ ചേർന്ന യോഗത്തിൽ ആലങ്ങാട് പഞ്ചായത്ത് പ്രസിഡന്റ് ശ്രീമതി രാധാമണി ജയ്സിങ്ങ് ഉൽഘാടനം നിർവ്വഹിച്ചു കൊണ്ട് പറഞ്ഞു.

ഇന്റസ്ട്രിയിൽ കൺസൾട്ടന്റ് ശ്രീ. ജേക്കബ് സന്തോഷ് ആമുഖ പ്രസംഗം നടത്തി.

ചടങ്ങിൽ ആലങ്ങാട് ബ്ലോക്ക് പഞ്ചായത്ത് അംഗം ശ്രീ. ഹമീദ് ഷാ. പഞ്ചായത്ത് അംഗം ശ്രീ വർഗ്ഗീസ് കോളരിക്കൽ, എറണാകുളം സോഷ്യൽ സർവ്വീസ് സൊസൈറ്റിയുടെ പ്രതിനിധി ശ്രീ. ബിജു പുത്തൻ പുരക്കൽ, റസിഡന്റ്സ് അസോസിയേഷനെ പ്രതിനിധീകരിച്ച് ശ്രീ. കാർത്തികേയൻ തുടങ്ങിയവർ പ്രസംഗിച്ചു.

തുടർന്ന് നടന്ന സാമ്പത്തിക മാന്ദ്യത്തിന്റെ പശ്ചാത്തലത്തിൽ സാധാരണക്കാരുടെ ജീവിതനിലവാരം മെച്ചപ്പെടുത്താൻ ചെറുകിട ബാങ്കിങ് മേഖലയിലെ സാധ്യതകൾ എന്ന വിഷയത്തെ അധികരിച്ച് നടന്ന സെമിനാറിന് മാനേജ്മെന്റ് വിദഗ്തൻ അഡ്വ. എബൻസർ ചുള്ളിക്കാട് നേതൃത്വം നൽകി.

ചാർട്ടേഡ് അക്കൗണ്ടന്റ്മാരായ എബിൻ ബഹനാൻ, പ്രദീപ് കുമാർ തുടങ്ങിയവർ പാനൽ ചർച്ചയിൽ പങ്കെടുത്തു.