കൊച്ചി: ബിസിനസ് പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കാനും ഡിജിറ്റല്‍ പരിവര്‍ത്തനം വേഗത്തിലാക്കാനും ആഗ്രഹിക്കുന്ന സംരംഭകര്‍ക്കും ബിസിനസ് സ്ഥാപനങ്ങള്‍ക്കും പുതിയ അവസരങ്ങളുമായി ഓഡോ ബിസിനസ് ഷോ 2026 കൊച്ചിയില്‍ സംഘടിപ്പിക്കുന്നു. ആഗോള ബിസിനസ് മാനേജ്മെന്റ് സൊല്യൂഷന്‍ സ്ഥാപനമായ ഗ്ലോബ്എക്‌സ് (GlobX) ആണ് പരിപാടി സംഘടിപ്പിക്കുന്നത്. 

കൊച്ചിയിലെ ഹോളിഡേ ഇന്‍ ഹോട്ടലില്‍ ഇന്ന് നടക്കുന്ന പരിപാടിയില്‍ ബിസിനസ് ഉടമകള്‍, മാനേജര്‍മാര്‍, സ്റ്റാര്‍ട്ടപ്പ് സംരംഭകര്‍, വിവിധ വ്യവസായ മേഖലകളിലെ തീരുമാനമെടുക്കുന്നവര്‍ എന്നിവര്‍ക്കായി ഇആര്‍പി (ERP) സംവിധാനങ്ങളുടെ പ്രായോഗിക സാധ്യതകള്‍ പരിചയപ്പെടുത്തും. ഉച്ചയ്ക്ക് 2 മണി മുതല്‍ ആരംഭിക്കുന്ന പരിപാടിയില്‍ ബിസിനസ് ഓട്ടോമേഷന്‍, ഡിജിറ്റല്‍ മാനേജ്മെന്റ്, പ്രോസസ് ഇന്റഗ്രേഷന്‍ തുടങ്ങിയ വിഷയങ്ങള്‍ വിശദമായി അവതരിപ്പിക്കും. 

പരിപാടിയുടെ പ്രധാന ആകര്‍ഷണം ഏറ്റവും പുതിയ ബിസിനസ് മാനേജ്മെന്റ് സോഫ്റ്റ്‌വെയര്‍ പതിപ്പായ ഓഡോ 19 (Odoo 19)-ന്റെ തത്സമയ പ്രദര്‍ശനമാണ്. സെയില്‍സ്, സി.ആര്‍.എം., ഇന്‍വെന്ററി, അക്കൗണ്ടിംഗ്, മാനുഫാക്ചറിംഗ്, ഹ്യൂമന്‍ റിസോഴ്സ്, ഇ-കൊമേഴ്‌സ് തുടങ്ങി ഒരു സ്ഥാപനത്തിന്റെ വിവിധ പ്രവര്‍ത്തനങ്ങളെ ഒരൊറ്റ പ്ലാറ്റ്‌ഫോമിലൂടെ എങ്ങനെ നിയന്ത്രിക്കാമെന്ന് വിദഗ്ധര്‍ വിശദീകരിക്കും. 

നിലവിലെ ബിസിനസ് സാഹചര്യത്തില്‍ കമ്പനികള്‍ നേരിടുന്ന വെല്ലുവിളികള്‍, അവയ്ക്ക് ഡിജിറ്റല്‍ സാങ്കേതികവിദ്യയിലൂടെ കണ്ടെത്താവുന്ന പരിഹാരങ്ങള്‍, വിജയകരമായ സ്ഥാപനങ്ങളുടെ അനുഭവങ്ങള്‍ എന്നിവയും പരിപാടിയില്‍ അവതരിപ്പിക്കും. ഇആര്‍പി മേഖലയിലെ വിദഗ്ധരുമായി നേരിട്ട് സംവദിക്കാനും സംശയങ്ങള്‍ ഉന്നയിക്കാനും പങ്കെടുക്കുന്നവര്‍ക്ക് അവസരമുണ്ടാകും. 

കേരളത്തിലെ ചെറുകിട, ഇടത്തരം, വലിയ സംരംഭങ്ങള്‍ക്ക് ഡിജിറ്റല്‍ ട്രാന്‍സ്‌ഫോര്‍മേഷന്‍ നടപ്പാക്കുന്നതിനും പ്രവര്‍ത്തനച്ചെലവ് കുറയ്ക്കുന്നതിനും ഉല്‍പാദനക്ഷമത വര്‍ധിപ്പിക്കുന്നതിനും സഹായകമായ സാങ്കേതിക പരിഹാരങ്ങളാണ് പരിപാടിയിലൂടെ അവതരിപ്പിക്കുന്നതെന്ന് സംഘാടകര്‍ അറിയിച്ചു. 

പരിപാടിയിലേക്കുള്ള പ്രവേശനം സൗജന്യമാണ്. എന്നാല്‍ പരിമിതമായ സീറ്റുകള്‍ മാത്രമുള്ളതിനാല്‍ പങ്കെടുക്കാന്‍ ആഗ്രഹിക്കുന്നവര്‍ മുന്‍കൂട്ടി രജിസ്റ്റര്‍ ചെയ്യണമെന്ന് സംഘാടകര്‍ അറിയിച്ചു. https://www.theglobx.com/event

ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...

സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... 

https://chat.whatsapp.com/GoyrNUkoWKqKCcBMDDaJKw?mode=gi_t

ടാക്സ് കേരള വായിക്കൂ... വരിക്കാരാകൂ...