കേന്ദ്രസർക്കാർ പ്രഖ്യാപിച്ച ഏകീകൃത പെൻഷൻ പദ്ധതിയുടെ (യൂണിഫൈഡ് പെൻഷൻ സ്കീം-യു.പി.എസ്.) ഔദ്യോഗിക വിജ്ഞാപനം പുറത്തിറക്കി
ന്യൂഡല്ഹി: കേന്ദ്രസർക്കാർ കഴിഞ്ഞവർഷം പ്രഖ്യാപിച്ച ഏകീകൃത പെൻഷൻ പദ്ധതിയുടെ (യൂണിഫൈഡ് പെൻഷൻ സ്കീം-യു.പി.എസ്.) ഔദ്യോഗിക വിജ്ഞാപനം ധനമന്ത്രാലയം പുറത്തിറക്കി.
ഏപ്രില് ഒന്നുമുതല് പദ്ധതി നിലവില്വരും. സർക്കാർ ജീവനക്കാർക്ക് അടിസ്ഥാനശമ്ബളത്തിന്റെ പകുതി പെൻഷനായി ലഭിക്കുന്ന പദ്ധതിക്ക് 2024 ഓഗസ്റ്റ് 24-നാണ് കേന്ദ്രമന്ത്രിസഭ അംഗീകാരം നല്കിയത്. സംസ്ഥാന സർക്കാരുകള്ക്കും വേണമെങ്കില് പദ്ധതി നടപ്പാക്കാം.
25 വർഷം സർവീസുള്ളവർക്ക് യു.പി.എസ്. പ്രകാരം അവസാനത്തെ 12 മാസത്തെ ശരാശരി അടിസ്ഥാനശമ്ബളത്തിന്റെ പകുതി പെൻഷനായി ലഭിക്കും.
പിരിച്ചുവിടപ്പെടുകയോ രാജിവെക്കുകയോ ചെയ്യുന്നവർക്ക് യു.പി.എസ്. പദ്ധതിപ്രകാരമുള്ള പെൻഷന് അർഹതയുണ്ടായിരിക്കില്ല. പത്തുവർഷത്തില് താഴെ സർവീസുള്ളവർക്ക് യു.പി.എസ്. മാത്രമല്ല ലംപ്സം തുകയ്ക്കും അർഹതയുണ്ടാവില്ല.
2004 ജനുവരി ഒന്നിനോ അതിനുശേഷമോ സർവീസില് പ്രവേശിച്ചവർക്കാണ് യു.പി.എസ്. ആനുകൂല്യം. എൻ.പി.എസിലുള്ളവർക്ക് യു.പി.എസിലേക്ക് മാറാൻ കഴിയും.
എൻ.പി.എസില് തുടരണമെങ്കില് അതിനും വ്യവസ്ഥയുണ്ട്. 10 വർഷം സർവീസ് പൂർത്തിയാക്കി വിരമിക്കുന്നവർ പദ്ധതിയില് ഉള്പ്പെടും. സ്വയം വിരമിക്കല് നടത്തുന്നവർക്ക് മിനിമം യോഗ്യതാസർവീസ് 25 വർഷമാണ്.
എൻ.പി.എസില് ജീവനക്കാർ പത്തുശതമാനവും സർക്കാർ 14 ശതമാനവുമാണ് പെൻഷൻ ഫണ്ടിലേക്ക് അടയ്ക്കേണ്ടത്. എന്നാല്, യു.പി.എസില് സർക്കാർ വിഹിതം 14-ല്നിന്ന് 18.5 ശതമാനമാക്കി.
ജീവനക്കാരുടെ വിഹിതം 10 ശതമാനമായി തുടരും. രാജ്യത്തെ 23 ലക്ഷം കേന്ദ്രജീവനക്കാർക്ക് നേട്ടമുണ്ടാകുമെന്ന് ധനമന്ത്രാലയം പറയുന്നു.
പദ്ധതി ഏപ്രിൽ ഒന്നു മുതല് അടിസ്ഥാനശമ്ബളത്തിന്റെ പകുതി പെൻഷൻ എൻ.പി.എസില് നിന്ന് മാറാം കുറഞ്ഞ പെൻഷൻ 10,000 രൂപ കുടുംബപെൻഷൻ 60 ശതമാനം അർഹത 2004-നുശേഷം ജോലിയില് പ്രവേശിച്ചവർക്ക്
സാമ്പത്തിക-നികുതി ലോകത്തെ വാർത്തകളും വിശകലനങ്ങളും whatsapp വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ...
