Headlines
സ്വര്ണത്തിന് ഇ-വേ ബില് നല്കുന്നതുമായി ബന്ധപ്പെട്ട തീരുമാനം ജിഎസ്ടി കൗണ്സില് പരിഗണിക്കാന് സാധ്യത.
അടുത്തയാഴ്ച സംഘടിപ്പിക്കുന്ന ജിഎസ്ടി കൗണ്സിലിന്റെ യോഗത്തിലാണ് ഇക്കാര്യം ചര്ച്ച ചെയ്യുക. സ്വര്ണത്തിന് ഇ-വേ ബില് ഏര്പ്പെടുത്തുമ്ബോള് നികുതി വെട്ടിപ്പും കള്ളക്കടത്തും ഒരു പരിധി വരെ തടയാന് കഴിയുമെന്നാണ് വിലയിരുത്തല്.
സംസ്ഥാനങ്ങള്ക്കുള്ളില് രണ്ട് ലക്ഷം രൂപയ്ക്ക് മുകളില് സ്വര്ണമോ മൂല്യമേറിയ ലോഹങ്ങളോ കൊണ്ടുപോകുന്നതിനാണ് ഇ-വേ ബില് ഏര്പ്പെടുത്തുക. കേരളം, കര്ണാടകം തുടങ്ങിയ സംസ്ഥാനങ്ങളാണ് ഇ-വേ ബില് സംബന്ധിച്ച് ശുപാര്ശ മുന്നോട്ടുവച്ചിട്ടുള്ളത്. എന്നാല്, മറ്റ് പല സംസ്ഥാനങ്ങളും സുരക്ഷ മാനദണ്ഡങ്ങള് മുന്നിര്ത്തി ഇ-വേ ബില്ലിനോട് എതിര്പ്പ് പ്രകടിപ്പിക്കുന്നുണ്ട്.
ചരക്ക് നീക്കത്തിന് ഇ-വേ ബില് നിര്ബന്ധമാക്കിയിട്ടുണ്ടെങ്കിലും സ്വര്ണത്തെ ഒഴിവാക്കിയിരുന്നു. 50,000 രൂപയ്ക്ക് മുകളില് മൂല്യമുള്ള ചരക്ക് നീക്കങ്ങള്ക്കാണ് ഇ-വേ ബില് ബാധകം.
