സംസ്ഥാന ജി.എസ്.ടി വകുപ്പില്‍ വിരമിച്ച ഉദ്യോഗസ്ഥരെ നിയമിക്കാന്‍ തീരുമാനമെടുത്ത് സര്‍ക്കാര്‍ ഉത്തരവ് ഇറങ്ങി. വിരമിച്ച ഉദ്യോഗസ്ഥരെയാണ് പ്രതിമാസം 1.50 ലക്ഷം ശമ്പളം നല്‍കി നിയമിക്കാന്‍ ധനവകുപ്പ് അനുമതി നല്‍കിയിരിക്കുന്നത്. 15.07.2024 ആണ് ഉത്തരവ് ഇറങ്ങിയിട്ടുള്ളത്.

സീനിയര്‍ ഡേറ്റ അനലിസ്റ്റ്/ സീനിയര്‍ സയന്റിസ്റ്റ്, സീനിയര്‍ ഇന്‍വെസ്റ്റിഗേറ്റര്‍, ഡേറ്റ അനലി സ്റ്റ്/സയന്റിസ്റ്റ് എന്നീ തസ്തി കകളിലേക്കു സര്‍വീസില്‍നിന്നു വിരമിച്ചവരോ പുറത്തുനിന്നുള്ളവരോ ഡപ്യൂട്ടേഷന്‍ വ്യവസ്ഥയില്‍ മറ്റു വകുപ്പുകളില്‍ നിന്നുള്ളവരോ ആയി ആകെ 9 പേരെ നിയമിക്കാനാണ് അനുമതി. 2022 ലാണു ജിഎസ്ടി വകുപ്പ് പുനഃസംഘടിപ്പിക്കാന്‍ തീരുമാനിച്ചത്.

മൂന്നു തസ്തികകൾ (സീനിയർ ഡാറ്റാ അനലിസ്റ്റ്/സീനിയർ സയന്റിസ്റ്റ്) കൂടുതലായി സൃഷ്ടിക്കാനും തീരുമാനിച്ചു. സർക്കാർ ഉത്തരവിന്റെ അനുബന്ധത്തിലെ 27-ാം ഖണ്ഡിക പ്രകാരം, മറ്റ് സർക്കാർ ഏജൻസികളിൽ നിന്ന് അന്വേഷണത്തിൽ വിദഗ്ധരെ കൊണ്ടുവന്ന് വകുപ്പിലെ രഹസ്യാന്വേഷണ പ്രവർത്തനങ്ങൾ ശക്തിപ്പെടുത്താൻ തീരുമാനം എടുത്തിട്ടുള്ളത്. ഇതിനായി ഇന്റലിജൻസ് ഹെഡ്ക്വാർട്ടേഴ്സിൽ 3 സീനിയർ ഇൻവെസ്റ്റിഗേറ്റർ തസ്തികകൾ രൂപീകരിക്കുകയും അവ ഡെപ്യുട്ടേഷൻ അടിസ്ഥാനത്തിൽ നികത്തുകയും ചെയ്യും. പ്രതിമാസം 1.5 ലക്ഷം രൂപ നിരക്കിലാണ് ഈ തസ്തികകളിലേക്കുള്ള ശമ്പളം കണക്കാക്കുന്നത്.

ഇതിനുപുറമെ,പൊതു/സ്വകാര്യ മേഖലയിൽ നിന്ന് ഡെപ്യുട്ടേഷൻ അടിസ്ഥാനത്തിൽ അനുയോജ്യരായ ഉദ്യോഗാർത്ഥികളെ തിരഞ്ഞെടുത്ത് 3 തസ്തികകൾ കൂടി (ഡാറ്റാ അനലിസ്റ്റ്/സയന്റിസ്റ്റ്) സൃഷ്ടിക്കാനും തീരുമാനിച്ചു. ഈ തസ്തികകളിലേക്കുള്ള പ്രതിമാസ ശമ്പളം കണക്കാക്കുന്നത് ഒരു ലക്ഷം രൂപ നിരക്കിലാണ്.

വിരമിച്ച ഉദ്യോഗസ്ഥരുടെയും സ്വകാര്യ ഉദ്യോഗസ്ഥരുടെയും ഹ്രസ്വകാല കരാർ അടിസ്ഥാനത്തിൽ നിയമനം ഒരു വർഷത്തേക്കാണ് പരിമിതപ്പെടുത്തിയിരിക്കുന്നത്. അതിനുശേഷം, വകുപ്പ് മേധാവി സംതൃപ്തനാണെങ്കിൽ, ആ വ്യക്തിയെ ഒരു വർഷം കൂടി തുടരാൻ അനുവദിക്കും. രണ്ടു വർഷത്തിനുശേഷം, സർക്കാരിന്റെ അംഗീകാരത്തോടെ മാത്രമേ പ്രത്യേക ആവശ്യത്തിന്റെ അടിസ്ഥാനത്തിൽ മാത്രമേ കരാർ പുതുക്കാനാകൂ. 

വിരമിച്ച സർക്കാർ ജീവനക്കാരനെ കരാർ അടിസ്ഥാനത്തിൽ നിയമിക്കേണ്ടതുണ്ടെങ്കിൽ, വിരമിച്ച ജീവനക്കാരൻ അവസാനമായി എടുത്ത അടിസ്ഥാന ശമ്പളത്തിൽ നിന്ന് കുറച്ച പെൻഷൻ തുകയായിരിക്കും ശമ്പളം അല്ലെങ്കിൽ കരാർ/ദൈനംദിന വേതനം (പ്രതിമാസ) ഏതാണ് കുറവ് & ഭാഗം I റൂൾ 8 KSR അനുസരിച്ച് കരാർ നടപ്പിലാക്കിയതിന് ശേഷം മാത്രമേ നിയമനം നൽകാവൂ ഇന്നും ഉത്തരവിൽ പറയുന്നുണ്ട്. ടിഎയെ സംബന്ധിച്ചിടത്തോളം, കരാർ ജീവനക്കാർക്ക് ടിഎ അനുവദിക്കുന്നതിന് കെഎസ്ആർ ഭാഗം II ൽ പരാമർശമില്ലാത്തതിനാൽ, കരാർ അടിസ്ഥാനത്തിൽ നിയമിക്കപ്പെടുന്ന ജീവനക്കാരുടെ ടിഎ പ്രത്യേക തസ്തികയിലേക്ക് സർക്കാർ നിശ്ചയിച്ചിട്ടുള്ള ഗ്രേഡ് അനുസരിച്ചായിരിക്കും നൽകുക. 

ടാക്സ് റിസർച്ച് ആൻഡ് പോളിസി സെല്ലിലെ സീനിയർ ഡാറ്റാ അനലിസ്റ്റ്/സീനിയർ സയന്റിസ്റ്റ്, ഇന്റലിജൻസ് ഹെഡ്ക്വാർട്ടേഴ്സിലെ സീനിയർ ഇൻവെസ്റ്റിഗേറ്റർ എന്നീ തസ്തികകളിലേക്ക് റിക്രൂട്ട് ചെയ്യപ്പെടുന്ന ഉദ്യോഗാർത്ഥികൾ സംസ്ഥാന നികുതി ഡെപ്യൂട്ടി കമ്മീഷണർക്ക് തുല്യമായ റാങ്കിലും പദവിയിലും പ്രവർത്തിക്കുമെന്നും ടാക്സ് റിസർച്ച് ആൻഡ് പോളിസി സെല്ലിലെ ഡാറ്റാ അനലിസ്റ്റ്/സയന്റിസ്റ്റ് തസ്തികയിലേക്ക് റിക്രൂട്ട് ചെയ്യപ്പെടുന്ന ഉദ്യോഗാർത്ഥികൾ സംസ്ഥാന നികുതി ഓഫീസർക്ക് തുല്യമായ റാങ്കിലും പദവിയിലും പ്രവർത്തിക്കുമെന്നും സംസ്ഥാന നികുതി കമ്മീഷണർ അറിയിച്ചു.

കഴിഞ്ഞ 6 വര്‍ഷം കൊണ്ട് കേരളത്തിന് ജി.എസ്.ടി നികുതി വരുമാനത്തില്‍ വര്‍ദ്ധനവ് നേടാനായത് കേവലം 2 % മാത്രമാണ്. നികുതി ഭരണ സംവിധാനത്തിന്റെ കാര്യക്ഷമതയില്ലാത്തതുമൂലമാണ് കേരളം ജി.എസ്.ടി വരുമാന വളര്‍ച്ച ദേശീയ ശരാശരിയേക്കാള്‍ താഴെയായതെന്നു പരക്കെ ആക്ഷേപമുണ്ട്.

നികുതി വിഹിതത്തിലെ കുറവ്, റവന്യു കമ്മി ഗ്രാന്റിൽ വന്ന കുറവ്, ജിഎസ്‌ടി നഷ്ട പരിഹാരം നിർത്തലാക്കിയത്, കടമെടുപ്പ്‌ പരിധി കുറച്ചത്, കടമെടുപ്പിൽ പുതിയ മാനദണ്ഡങ്ങൾ കൊണ്ടുവന്നത് എന്നിവ കാരണം ഏകദേശം 40000 കോടി രൂപയോളം കുറവാണ് കേരളത്തിന് അർഹമായ വരുമാനത്തിൽ ഈ വർഷം വരുന്നത്. 

സംസ്ഥാനത്തിന്റെ നികുതി വരുമാനം വർദ്ധിപ്പിക്കുന്നതിനും നികുതി ഭരണ സംവിധാനം കാര്യക്ഷമമാക്കുന്നതിനും ആധുനികവും, നൂനതവുമായ നടപടിക്രമങ്ങളിലൂടെ എല്ലാതരം നികുതി വെട്ടിപ്പും കണ്ടു പിടിക്കാനും, സർക്കാരിന് ലഭിക്കേണ്ട നികുതി ഇടാക്കാനും, നികുതി വെട്ടിപ്പ് നടത്തുന്നവർക്കെതിരെ നിയമ നടപടികൾ സ്വീകരിക്കുന്നതിനും ആവശ്യമായ എല്ലാ സംവിധാനങ്ങളും പുതിയ നിയമനത്തിലൂടെ കഴിയുമെന്നാണ് പ്രതീക്ഷ. അതിലുപരി ഇന്റലിജന്‍സ് സംവിധാനം ശക്തിപ്പെടുത്തി നികുതി പിരിവ് ഊര്‍ജിതമാക്കുന്നതിന്റെ ഭാഗമായാണ് ജിഎസ്ടി വകുപ്പില്‍ പുതിയ നിയമനം നടത്തുന്നത്. 

സാമ്പത്തിക-നികുതി ലോകത്തെ വാർത്തകളും വിശകലനങ്ങളും whatsapp വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ... https://chat.whatsapp.com/G6uXw4w7ptK4LyPegRgWnC