Headlines
സംസ്ഥാനത്ത് വൈദ്യുതിനിരക്ക് വര്ധനയ്ക്ക് കളമൊരുങ്ങുന്നു; നിരക്ക് കൂട്ടാന് സര്ക്കാരും പച്ചക്കൊടി വീശി, പ്രഖ്യാപനം 18ന് ഉണ്ടായേക്കും
തിരുവനന്തപുരം: വൈദ്യുതിനിരക്ക് വര്ധന 18ന് പ്രഖ്യാപിക്കും. നിലവില് നിരക്ക് കൂട്ടാന് സര്ക്കാരും പച്ചക്കൊടി കാട്ടിയിരിക്കുകയാണ്. എത്ര ശതമാനം വര്ധന വരുത്തണമെന്ന കാര്യത്തില് അന്തിമ തീരുമാനമായിട്ടില്ല. എന്നാല് ഇതുസംബന്ധിച്ച് കമ്മിഷനില് ചര്ച്ച തുടരുകയാണ്. എന്നാല്, വൈദ്യുതി ബോര്ഡ് ആവശ്യപ്പെട്ടയത്രയും വര്ധന അനുവദിക്കാനിടയില്ല. വരുന്ന നാലുവര്ഷം രണ്ടുതവണയായി ഏഴായിരം കോടിയുടെ അധികവരുമാനം ലഭിക്കുന്നവിധം നിരക്ക് കൂട്ടണമെന്നാണ് ബോര്ഡ് ആവശ്യപ്പെട്ടിരിക്കുന്നത്. അതായത്, ഉപയോഗിച്ചാലും ഇല്ലെങ്കിലും നല്കേണ്ട ഫിക്സഡ് ചാര്ജും കൂട്ടുന്നത് ഉള്പ്പെടെയാണിത്. മാത്രമല്ല, ഇവ രണ്ടും ചേര്ത്ത് ഈ വര്ഷവും അടുത്തവര്ഷവും 10 ശതമാനവും 202021ല് ഏഴുശതമാനവും ഉയര്ന്ന നിരക്കാണ് ബോര്ഡ് ആവശ്യപ്പെട്ടിരിക്കുന്നത്.
